Најоригиналниот дел од брошурата е историскиот дел. Претставува истражување во историјата на Турците и Бугарите кое на крајот се обидува да ги докаже нивните историски врски и заедничкото етничко потекло.
Извештајот започнува со античките времиња кога во Горна Азија живееле луѓе кои потекнуваат од еден од синовите на Јафет по име „Турк“. Тие биле предци на Турците, Татарите и Монголите. Околу 3.400 години пред хиџра овие племиња формирале моќна турска држава на чело од Огуз Хан. Подоцна тие се поделиле на Турци и Татари. Третиот народ (кавм), Монголите, се појавил откако некои од овие племиња го преминале Кинескиот ѕид и нивните мажи се венчале со кинески жени.
Мехмед Мурад Беј како „познат историчар“ дал и детален опис на различните групи во рамките на „големиот турски народ“ (azim Türk kavm), како што се Хуните, Унгарците, Бугарите, Печенезите, Татарите и Монголите. Тој исто така експлицитно докажал дека Бугарите биле Турци, а не Татари.
Од оваа точка, дискусијата се фокусира на „Бугарските Турци“ (BulgarTurkleri). Откако се рашири низ Русија, едно од нивните племиња во износ од „неколку милиони“ формираше моќна држава под водство на ханот Кубрат на бреговите на Волга. По смртта на Кубрат, ханатот Волга се распаднал и секој од синовите на владетелот водел некои од племињата во друга насока во потрага по нови богатства.
Третиот син, Аспарух, водел околу стотина илјади луѓе кон реката Дунав. Тие, според авторот, биле „Турци“ кои заборавиле дека се „Бугари“.
Ви звучи познато ваквата бугарска пропаганда?
Како што ќе се покаже подоцна, тие ќе го обноват своето „бугарско“ име на поинаков начин. Авторот продолжува со приказ на настаните што довеле до формирањето на првата бугарска држава јужно од Дунав. Само, спротивно на стандардните бугарски наративи кои го нагласуваат предимството на словенскиот елемент, брошурата сугерира дека Бугарите го потврдиле својот авторитет над Словените.
На таков начин ја основале првата бугарска држава. Авторот посветува посебен дел за етничкото потекло на Бугарите и „обновувањето на нивната националност“ (tecdid-i milliyetleri) заедно со објаснување на етимологијата на името Булгар.
Обновување на нивната националност? Повторно, ви звучи ова однекаде познато?
Кога Аспарух и неговите луѓе пристигнале на брегот на Дунав, никој не се распрашувал за нивната „вистинска етничка припадност“ (cins-i hakikireli).
Трагедија! Никому не му било гајле за нивната
вистинска етничка припадност. А кога има вистинска, тогаш треба да има и лажна, нели?
Бидејќи потекнувале од Волшкиот ханaт, биле наречени „Волгали“ или „Волгар“. Името претрпело дополнителни измени на латински, па „Волгар“ на крајот станало „Бугар“. Како резултат на оваа случајност, заклучува авторот, овие луѓе кои во суштина биле „турски бугари“ (Türk Bulgarı) го презеле и го потврдиле своето првобитно име.