ВестиГрците ги откажуваат резервациите за Велигден во Охрид и Струга
Грците ги откажуваат резервациите за Велигден во Охрид и Струга
За Велигденските празници, хотелските капацитети на Охридското крајбрежје се пополнети околу 50 отсто.
Хотелиерите велат дека бројот на гостите и ноќевањата е помал од лани, но точната бројка ќе ја знаат по откако ќе завршат празничните денови.
- Намалувањето на бројот на гостите во споредба со истиот период лани се должи на големиот број откажани аранжмани од туристи од Грција. Тие имаа закажано резервации за хотелски соби, а некаде закупија и цели хотели, но, спроти празниците, ги откажаа аранжманите. Сега има најмногу гости од Македонија и од регионот - изјави Дончо Танески, претседател на Асоцијацијата на хотели во Македонија.
Порталот на албански јазик од Скопје „
Порталб," јавува дека Грците неколку години по ред беа најредовните туристи во Струга и нивното присуство се забележуваше во голема мера. Дотолку повеќе што бројот на грчките туристи се зголемуваше за време на христијанските празници, како што е Велигден.
За откажувањето на резервациите, хотелиерите во Струга ја обвинуваат економската криза во Грција. Според нив, најмногу гости од регионот сега има од Србија и од Албанија.
+info
ohridON
12-04-2012
