Кога вака човек ќе ги разгледа скулптуриве поставени по плоштад мислам дека прво прашање што ќе си го постави е - ШТО УЧАТ ВАЈАРИТЕ НА ФАКУЛТЕТОТ за ликовна уметност???
Ако има некој вајар на форумов би го замолил да одговори - Дали имаат предмет СТАТИКА и ПРОПОРЦИИ и колку се квалитетени професорите што им предавале?
Предходно пишував за трупчето кај Ченто кое е вметнато од немајкаде за да стои статуата и нема никаква друга намена ни симболика (тие што не и веруваат нека го прегледаат клипот за Скопје - 2014 и нека стопираат на 2,04 ќе видат дека не постои трупчето) И со тоа и така лошо поставениот, ептен непропорционален (мала глава во однос на гломазно тело) и недовршен Ченто е дополнително огрден.
Откако ја видов сликата од Ацета дополнителен шок. На човек просто да не му се верува како е можно да се одобри такво нешто. Може ли некој да ми ја објасни опашката на коњот???
Јас разбирам дека скулптурата е голема и треба да е стабилна и цврсто поставена, ама па до толку да ја нарушиш природноста на изгледот на сметка на статиката, ми е некако неприфатливо.
Ако не си способен, немаш природен талент, да можеш тоа што визуелно како уметник (вајар) си го замислил да изгледа и притоа да претпоставиш како тоа реално ќе се изработи од предвидениот материјал и каква стабилност ќе има, воопшто не се кажувај дека си вајар, а не пак да се нафаќаш да изработуваш вакви големи скулптури. Спомениците (а и некои други преценети градби) ни испаднаа по онаа народната „брза кучка слепи кучиња раѓа“ . Изборот на вајарите и нивните дела е според мене набрзина направен и она што им изгледало добро на хартија се покажува како доста проблематично во реалноста.
Не се виновни ни вајарите ни архитектите, виновни се тие што ги одобриле (комисии ли биле што ли биле незнам) без посериозна анализа и консултации со искусни стручни лица од повеќе области.
Мене еве да речам не ми смета големината на Аце, ако е голем. Ќе биде проблем за гледање (треба доволна дистанца
) ама мислам дека може да стане препознатлив симбол за Скопје. Ми пречи аматеризмот со кој што се пристапува кон се во Македонија. Тотално непознати и НЕИСКУСНИ добиле гратис премија да створат нешто кое што ќе трае да речеме со децении и векови. Па како да не се разочара човек кога ќе се испорачаат решенија со вакви маани. Колку и да е човек со отворено срце и да сака да види нешто ново изградено и поставено, кога на секој чекор наидува на дипропорционалност и естетска непривлечност, логичен зклучок е дека некој тука сериозно ја утнал работата или му се измешале картите во главата па се дозволило ова.