2010 за Бела Ноќ имаше организиран настан, наводно од Livestrong, во МКЦ. Отидов надевајќи се дека навистина е од Livestrong и дека конечно во Македонија некој ќе организира нешто со што ќе им помогне на пациентите болни од рак. Беше најголемото разочарување во мојот живот. Беше организирано од некоја полудебилна, квазиневладина организација, составена од некој битолски глумец (не се сеќавам на името) и една тетка дотерана како за на бал која цело време се врткаше околу американскиот амбасадор, тогаш беше оној ќелавецот, Рикер, и не посвети ни 2% внимание на неколкуте луѓе кои беа дојдени таму како survivors и со желба да се вклучат и да помогнат.
На влезот продаваа "ваучери" со кои се "донираше" за помош на пациентите, ваучерите беа ми се чини 120 или 150 денари, а со нив потоа се подигаше гумена нараквица со логото на Livestrong.
На тие ваучери од задната страна со ситни букви, нормално, пишуваше дека од тие пари, 30 денари одат за помош на пациенти, а другите за организација на настанот. Инаку, си порачав шише вода и келнерот ми го наплати. Значи, останатиот дел од парите отиде за колачиња, сендвичиња и бесплатни пијачки за битолските глумци и амбасадорот и жена му. Толку се изреволтирав од односот на тие од организацијата и од тоа што настанот почна со "поетско читање" што станав и си отидов. Луѓе бре, поетско читање!
Значи, не само што не се помогна баш никако на пациентите, не само што се злоупотреби името на Livestrong, се изигнорираа луѓето кои навистина сакаат да помогнат, туку и некој се најаде и се напи бесплатно, веројатно и некој денар си заработи и таа дебилна битолска "организација за подобрување на квалитетот на живот" си го искористи настанот да му се упика на американскиот амбасадор и веројатно да си добие некој грант. После инцидентов немам отидено на ниеден таков настан и немам намера да одам.
Исклучиво индивидуална помош, кога е конкретно наменето за една личност. Во Македонија таквите "организации" во 99% од случаите се измама. Чест на исклучоците.
.
