Немав намера да пишувам повторно на форумов, заради вулгарностите кои се пишуваа пред извесно време, а беа толерирани од модераторите, но сепак сум принуден да оставам еден коментар, заради појавата на разно разни типови кои се претставуваат како масони.
Така да, твоето судење дека ако јас еве или некој друг каже дека е масон, и ете ние сме пуваџии и сакаме слава и моќ. Не сакаме. Каква е таа слава и моќ на форум?
Не знам каква е таа слава и моќ на форум, но очигледно некој има потреба од истата, штом лажно се претставува себе си за масон, а е член на друга организација. ОТО и регуларната масонерија немаат никаква врска, НИКОГАШ немале врска, ниту пак некогаш ќе имаат. Наркоманските испади на Кроули и неговата фасцинација со масонеријата се негов проблем, но тој никогаш не бил член на ниедна регуларна масонска ложа, а единствено на некаква квази ложа во Мексико, па после се чудел зошто во ниедна легална ложа во Европа не го примаат.
Денешната претензија на членовите на ОТО дека имаат врска со масонеријата е помалку бизарна, затоа што основните принципи на масонеријата и на ОТО се не само различни, туку и доста спротивни. Идејата дека и двете се иницијатски друштва и затоа едното е поврзано со другото е смешна, затоа што има илјадници иницијатски друштва по светов, секое со своите обележја и разлики. Потребата да се претставуваат себе си како масони (не знам само какви, со оглед на тоа што НЕ СЕ членови на ниедна регуларна масонска ложа), доволно зборува за вредностите на нивната организација.
И тие што се масони, и тука и во светот, сигурно не умирааат да кажат нешто повеќе од дозволеното. Но тоа е доволно за да слободни мажи, полнолетни, прочитаат, разберат и пресудат, а потоа, ако им е волја да станат дел од тоа братство и да дејствуваат под тоа име.
Има една основна грешка. Ако им е волја - да побараат да станат дел од тоа братство! Волјата на кандидатот нема ништо со приемот на кандидатот. Приемот зависи од постоечките членови на ложата. А како што гледаме, има и такви, на кои, ако им е волја, дејствуваат под тоа име, без никогаш да станат масони. Веќе се изнагледавме на неколку такви примери на форумов, не е ни прв, ни последен пат.
Бидејќи бев прозван во лична порака, околу моето членство - ќе повторам по не знам кој пат (затоа што веќе е напишано во темава, ама пусто, кој да чита, сите сме нешто над тие работи...):
Јас сум член на Големата Ложа на Канада во Провинцијата Онтарио (ова е целосното име на мојата Голема Ложа), во матичната ложа Victoria, заведена во регистарот под број 474. Моментално сум на позицијата Junior Warden. Моите акредитиви се познати секретаријатот на Големата Ложа на Македонија и било кој што има право на достап до таа информација, може многу лесно да провери. Никогаш не сум го криел своето членство, ниту пак имам причина за тоа - за разлика од многумина овде кои од најразлични (но секогаш нечесни) мотиви се претставуваа на членови на форумот (па дури и на мене) како масони.
До сега, единствен друг член на форумов кој е исто така масон (и исто така член на ложа надвор од Македонија) е somoteitbe. Сите останати се обични лажговци кои очигледно имаат лоши намери, затоа што не гледам зошто инаку би се претставувале за нешто што не се. Доколку некој сака да ме негира - нека повели, со факти и со податоци, како што е редот - нека се претстави на која ложа, под кој број и во која јурисдикција е член - многу лесно може да се провери информацијата.
