Македонија се наоѓа на 73-то место на ранг листата на еколошки здрави држави, согласно „Индексот на еколошки перформанси“ за оваа година, се наведува во прелиминариот извештај што денеска се претстави на Светскиот економски форум во Давос.
Индексот на државата се рангира според десет категории, како што се загадувањето на воздухот, биолошката разновидност и климатските промени, како и според 25 перформанси што состојбата на животната средина во земјата ја споредуваат со поставените цели, втемелени главно на меѓународни спогодби.
Според овој индекс на еколошки перформанси, од балканските држави далеку пред Македонија се наоѓаат Албанија - на 23-то место, Србија и Црна ГОра, кои го зазедоа 29-то место, потоа следат Хрватска - 35-то место, Словенија - 55-то место, Бугарија - 65-то место, додека единствено послабо рангирана од Македонија е единствено БИХ - на 98-то место.
Во самиот врв на ранг листата како еколошки најздрави земји се најдоа Исланд, Швајцарија, Костарика, Шведска и Норвешка. САД се дури на 61-то место, додека најлоши резултати покажуваат Централноафриканската Република и Сиера Леоне.
Конечниот извештај за еколошките перформанси на земјите за оваа година ќе се објави на 12 февруари.
http://www.novamakedonija.com.mk/NewsDetal.asp?vest=128101250442&id=84&prilog=0&setIzdanie=21895
-„Освен ова бевме рангирани на 59 место според квалитетот на живот или така нешто, ако не се лажам! Ме чуди фактот што, Македонија реално гледано ми се чини многу почиста бар од соседните земји кои сум ги видел! Македонија беше лидер во регионот за иницијативата за пошумување и тн... Што недостасува во мозаиков ? Како може Македонија да е 50 места подолу од своите соседи ? 
Не ми е јасно дали нивните начини на оценување се тотално промашени , или пак нашите иницијативи и вести се само лаги“. 
