Кошаркарите на подготовки преку Атлантикот
Македонската Кошаркарска Федерација веќе почна со планирање на подготовките на сениорскиот национален тим во пресрет на предолимпискиот турнир што ќе се одржи во Венецуела. Како што информираат од македонската куќа на кошарката, во игра се неколку опции, а која точно ќе биде избрана ќе биде познато дури откако ќе бидат познати групите на предолимпискиот турнир. Она што е сигурно е дека последниот дел од подготовките ќе се одржат од другата страна на Атлантикот.
„
Имаме неколку различни варијанти. Првата е да се сретнеме со Литванија во Хјустон, каде што Литванците имаат тренинг-камп. Веќе имавме разговори и со претставниците на Федерацијата на Доминиканска Република, кои не поканија да бидеме нивни гости. Имаме и варијанта да одиме во Јужна Америка, во Бразил или Аргентина. Четврта опција за над е да гостуваме во САД, каде што имаме отворена покана од Мајк Зафировски и од Друштвото на македонски иселеници. Оваа опција можеме да ја комбинираме со поканата на Литванците, но за да имаме поконкретен став ќе треба да ја почекаме ждрепката и да ги дознаеме противниците. Доколку се вкрстуваме со Литванија, тогаш е логично да не играме со овој ривал во подготовките, истото важи и за Доминиканската Република“ - изјави Дејан Лекиќ, генералниот секретар на МКФ.
Ждрепката за групите на предолимпискиот турнир во Венецуела ќе биде одржана во јануари, по што МКФ ќе донесе и конкретна одлука околу текот на подготовките. Лекиќ открива и дека се прават напори пред тргнувањето на долгото патување да се одигра еден пријателски натпревар во Скопје.
„
Сакаме со полна сала во Скопје дополнително да ги мотивираме кошаркарите и со позитивна атмосфера да тргнеме кон Венецуела. Имавме разговори со Литванија за евентуален пријателски меч во нашиот главен град, а разговараме со уште неколку селекции. Главен проблем е што дел од селекциите ќе се подготвуваат од другата страна на Атлантикот и не се согласуваат на меч во Скопје, а дел ќе играат квалификации за претстојното Европско Првенство. Сепак, правиме напори за да пронајдеме адекватен противник“ - открива Генералниот секретар на МКФ.
Учеството на предолимпискиот турнир ќе значи и зголемување на трошоците на македонската куќа на кошарката, која што ќе треба да издвои преку 100.000 евра само за подготовките и за трошоците поврзани со турнирот во Венецуела. Доколку постигнеме историски успех и се пласираме на Олимписките Игри во Лондон, тогаш трошоците ќе пораснат на преку 300.000 евра.
http://ekipa.mk/News.aspx?newsId=3959
![[ Македоникус ]*](/data/avatars/m/26/26045.jpg?1373015970){kind=avatar}
одлогирај се подобро.
.. мислам дека го нема во темата.
