Рано е за сума сумарум за работата на Филипче и за неговото справување со Корона кризата, ама може да се повлечат одредени линии за досегашното негово работење.
На претходните избори, тој беше еден од ликовите кои им донесе многу политички поени на Сдсм и коалицијата. Мислам дека на овие избори ќе биде алката која ќе им одземе многу политички поени, иако станува збор за локални избори.
Не покажа лидерство кога требаше. Му беше понудена руската вакцина на средината на август минатата година. Тој е на чело на ресорот и мора тој да ги носи политичките одлуки. Аргументот му беше дека таа вакцина не е признаена! Да ја имавме тогаш таа вакцина, немаше да имаме втор бран од таков калибар.
Релативизирањето со местата во болниците и смирувањето на состојбата му ја сфаќам. Не треба да креира паника кај народот, но мора да го информира точно. Бевме сведоци на собирање донации за лекување и фаќање врски за болнички кревет.
Мерките го носеше политички. Пред одредени празници истите се прекинуваа, одредени мерки беа многу закаснети, одредени непотребни и одредени многу лошо копирани. И тука потфрли.
Последна држава во Европа која започна во вакцинација. Донација по донација. Ги фатија тука и со провизии.
Вонредната состојба се искористи да се протне цела политичка агенда низ Собраноето, каде гласаа и 2ца позитивни пратеници на Ковид! Имаа време за сѐ сем за контрола (преку регулаторно тело) на цените на приватните болници. Капитализам, можат да ставаат колкави цени си сакаат, но ако има регулаторно тело, може да се регулира оваа материја. Тука ништо, имаа една спогодба со Митрев и тоа е сѐ. За Систина немало бизнис логика!
Котираме високо и во Европа и во светот на црните Ковид статистики. Едно време бевме меѓу првите 5 во светот. Има 43% смртност во болниците! Направил ли некој контрола што се случува таму? Не може 4 од 10 луѓе да не излегуваат од болниците. Која држава во светот има вакви статистики?
Не знам каков доктор е, но е ужасен политичар. Ужасно ужасен политичар. Потклекнува на притисок. Тераше партиска агенда. Приоритет треба да му е јавното здравје, а не играњето геополитика. Сега ја немаме руската вакцина поради лошите политички одлуки.
Не е само Ковид кризата, туку и општата состојба во здравството. Имаше цел мандат и ништо посебно не промени.
Сега се фати за мерките кон младите и невакцинираните! Треба таа мерка да си ја спроведе пред избори, чисто да знеме на што сме. И сите знаеме дека нема да важи за сите граѓани.
Што не чека наскоро? Мислам дека и наседниот бран кај нас ќе коси, но не до степен како претходниот. Предизвици има од образованието (уште еден имбецил раководи со тој ресор), економијата, здравството, а потоа и на политичката сцена преку изборите и на крај пописот! Видовме дека Заев не се откажуваше од пописот, иако имавме преку 1.000 заболени и околу 10тици починати на почетокот на претходниот бран. Така му кажале, така ќе си спроведува.
Ова мене не ми се допаѓа, не знам кој е ставот на докторите. Наместо да им се даде повисока плата, им се става можност за дополнителен аргатлук.
Измена на Законот за здравствена заштита со којшто пензионираните лекари ќе можат да работат како консултанти, а активните лекари да може да работат во други здравствени установи по работното време, најавува министерот за здравство Венко Филипче.Како што објасни Филипче, пензионираните лекари ќе
fokus.mk
