Прво честитки за пласманот во Европа Лигата на ФК Вардар, но мора да кажам дека време беше со оглед на тоа дека веќе нема земја без претставник во 2те европски натпреварувања.
Да не бидам сфатен погрешно, ова е историски момент за Вардар како фудбалски клуб, а и општо за македонскиот фудбал и искрено се радувам што конечно ќе се игра европски фудбал во Скопје и што ќе имам можност да присуствувам на натпревар(и) од едно вакво натпреварување. Но за мене лично елиминацијата на тим од рангот на Фенербахче, како и целиот квалификационен циклус кој го изиграа ова лето се она на што треба да биде горд секој фан на ФК Вардар.
Прво го елиминираа Малме, тим кој 3 пати во последните 4 години бил првак на Шведска и е на пат до 4тата титула, со оглед на тоа што моментално има 10 поени предност пред вториот на табелата. После тоа изиграа страшна утакмица на домашен терен против Копенхаген и беа мноогу блиску до елиминација на екипа која е редовна во европските натпреварувања и ја доминира Данската лига последните 10тина години. И на крај елиминација на Фенербахче, тим составен од играчи како Ван Перси, Шкртел, Валбуена, Солдадо, Исла, Камени.. фудбалери кои настапувале во најдобрите првенства и најдобрите клубови низ Европа, кои имаат огромно искуство во европските натпреварувања, кои имаат освојувано Премиер Лига, Серија А, Француска Лига.. Секоја чест за играчите и особено за Чеде Јаневски, кој докажа дека е одличен стратег, кој знае веднаш да наметне авторитет и дисциплина кај играчите. Двомечот против Фенербахче беше тактички перфектен, дефинитивно најдобриот перформанс од некој македонски претставник во фудбалот со години.
Пак ќе кажам, пласманот како момент е историски, но кога ќе видиш кои се екипи играат низ Европа откако УЕФА го смени форматот на квалификациите не е нешто WOW. WOW моментот се победата против Копенхаген, како и 2те победи и елиминацијата на Фенербахче, тука Вардар покажа дека е спремен да се надигрува и со екипи кои веќе со години се дел од фудбалска Европа.