Веројатно многупати се дискутирало на оваа тематика на форумов, меѓутоа општата тема за мачките е некако обемна и тешко е да се најдат соодветните одговори
Во изминативе години чував неколку мачори и сите имаа трагична судбина по само 1-2-3 години живот. Живеам во куќа, меѓутоа мачорите покрај тоа што седат во куќата, голем дел од времето минувале и надвор. Со оглед на тоа што сите сум ги вдомувал од улица, сеуште го имале тој див дел во себе и не се однесувале како целосно домашни мачори кои цел живот би го минале затворени или најдалеку би оделе во границите на куќниот двор. Најголемиот дел од нив се движеле на радиус од 100-тина метри околу куќата, но сепак во три случаи мачорите ми беа отруени, а последниот го згази кола.
Две од нив не одеа ни 20 метра од куќава, но зимно време од општина фрлаат отров по улиците и ги снајде трагична судбина. Од тоа што сум читал, една од работите кои може да ти помогне да мачорот ти стане "подомашен" е да му се направи кастрација, со што хируршки би му се отстраниле тестисите и повеќе ќе го нема тој нагон за бркање мачки, обележување територии, борби за територии и мачки со други мачори итн.
На тој начин, многу поверојатно е дека мачорот ќе седи или во куќата или во нејзина непосредна близина, па помала е шансата да му се случи незгода од гореспоменатите типови.
Не сум читал многу на оваа тема, веројатно имам и некои грешни констатации, па затоа би сакал да ги чујам вашите мислења
На темава би сакал да чујам искуства на сопственици на миленичиња кои извршиле нивна кастрација.
1. Дали е вистина дека мачорот ќе почне да губи интерес за обележување територии и борби со други животни?
2. Дали во почетниот период по кастрацијата, мачорот би се однесувал потромаво или похиперактивно во куќата? Дали ќе почне да седи како мртво пувало без воља за живот и ако е така, колку отприлика би траела оваа фаза?
Од друга страна, се поставува и едно морално и етичко прашање
Со кастрација, многу веројатно дека би му го продолжиле животот, или барем би ги намалиле шансите да му се случи некоја незгода која настанува додека се оддалечува од домот. Но, гледано од негова перспектива, му ја ускратуваме шансата да си го живее животот како што би го живеел ако не е кастриран. Да си брка мачки, да се размножува, да се бори со други мачори итн. На некој начин себично би било да му ги скратиш сите овие фази низ кои би минал во животот и веројатно многу повеќе би уживал, отколку да седи мирно до тебе
Новиов мачор кој го чувам во моментов е во периодот кога дома доаѓа само за јадење и веднаш изгледува да се бори и да брка мачки. Можеш да го тргнеш мачорот од улица, но не и улицата од него
Скоро со секој мачор имам вакви проблеми во јануари, февруари и дел од почетните летни денови. Од последната битка излезе со повреда на ногата по која не можеше да гази на истата неколку денови. Му ја предложив идејата за кастрација на татко ми, но он не се согласи ни под разно да се направи нешто такво, од моралните причини кои ги набројав погоре.
Ваше мислење и искуство на оваа тема?
Истотака, колку чини еден ваков зафат во Македонија, каде е најдобро да се направи и дали е опасен по животот на самото маче?
Од друга страна, сум слушнала за неколку случаи каде пекинезерките умреле на пораѓај затоа што не можеле да ги извадат малечките, па не знам колку често се случува. Не би си простила ако не можи да се породи. 
Има ли некој начин да дознаам дали ќе може да има нормален пораѓај (нели, како кај бремените жени што се мери карлицата и ако се заклучи дека не можи нормално да се породи се оди на царски 
)?
