Зависи кој што подразбира под европеизација.
Едно од главните нешта е да бидеш тоа што си, да знаеш на другите да им го продадеш она што единствено ти го имаш и никој друг. Бербата на виното во Прованса - без никаква механизација, цедењето на винскиот сок со нозе, финесите во правење вино - традиции кои љубоморно се чуваат.
Да мислиш дека ќе бидеш дел од големото друштво со тоа што ќе постапуваш обратно од нив, ќе си го мениш името на државата, јазикот, ќе се срамиш од селото од кое потекнуваш - е одење во спротивната насока и попусто трошење енергија.
Хигиената и чистотата е нешто сосема друго. Кучињата, смогот, чадот - треба и мора да се расчистат. Но, никој досега не го постигнал тоа со заплашување со казни.
Ако нешто е непотребно и штетно, тоа е неоправдано (читај малициозно...вака прават енглези, ќе правам и ја онда) оддалечување од традицијата. Затоа што истото, несомнено, води до оттуѓување од својот народ и земја. Па, добиваме македонци согласни да си го менуваат името, јазикот и слични девијации.
Да, подготвувањето на ајвар е дел од фолклорот. Но, колку е "фолклорно" да извадиш ќумбе во урбана средина?
Верувам и дека подготвувањето на вино не се изведува на Елисејските полиња.
Имаме сериозен проблем со алкохолизмот. Имаме и сериозен проблем со хигиената. А, тие можеби се вкоренети во нас, но не се исто што и традиција.
Ако гледаме така, тогаш и тепањето жени е македонска традиција.
А за рестрикциите...За жал, мора да постојат за да се створи свесност кај човекот.
И Скандинавецот пред еден век фрлал смет на улица. Но, откако фино го поткачиле по џебот, прво силом прекинал, за веќе денес, сосема спонтано и без присила да дојде до сознанието дека смет не треба да фрла.
Чисто како информација...Годинава првпат ќе се организира фестивал на зимница. Можеби ќе прерасне и во редовна манифестација.