Трагедија. Жалосно. Трогателно. Се е јасно во овој поглед и сите сме согласни дека ова е ѕверство.
Она што останува од овој случај што е посебно битно е следново:
a) Да има соодветна судска разврска и секој инволвиран да биде најстрого казнет, иако тоа колкава е таа строга казна е друго прашање.
б) Што, односно кои лекции ние ќе ги научиме од случајов и како преку секој од нас и нашето поведение ќе го смениме општеството со цел вакви работи да не се повторуваат во иднина и да ги заштитиме децата и малолетниците
Се изначитав "креативни" мислења како тоа би се спалувале, беселе, тепале, шамарале и тн и тн сторителите.
Мислам дека вакви муабети се безвезални, непотребни и неконструктивен изливи на бес што едноставно немаат поента.
Тоа е, нема веќе бесилки, ќосиња, гилотини и егзекутори, колку год тоа на нас да не ни се допаѓа или не. Реалноста е таа.
Се надевам дека пак има црвени линии и кај луѓето од судскиот систем, и нема да покажат милост, напротив ќе покажат креативност за да им накалемат најголеми можни казни што нашиот систем ги има предвидено.
Околу втората точка...
За жал, овој случај, е одраз на нашето општество кое е девалвирано и проституирано на секое можно ниво.
Луѓето во Македонија генерално (секако со исклучоци), едноставно до толку си ја имаат забодено својата глава во својот гз, што веќе се тотално ослепени и научени на нивниот анален мрак. "јас, јас и само јас, евентуално ако може за некој и од страна некоја коскичка, чисто колку да ми биде слуга и лојален". Е тој е мајндсетот моментално што преовладува. Племенска колективна свест, орда.
Емпатија и емпатичност е вон перцепција.
Секој медиум, секој политичар, секој овде коментатор, кој на било каков начин и форма допринесува до зголемената загриженост, спинување, политчки разврски и односи, интересен за пред кооперација муабет, фејк њуз и тн и тн... знајте дека и тие луѓе се монструми и со поблага социопатска дијагноза од овој нео-наци, желен за внимание и моќ монструм.
Мене многу повеќе ме боли да речам, што уште не ја учиме лекцијата, уште сме забодени со својата глава во својот гз и тој мрак што го гледаме, не дозволува да еволуираме.
И натаму ќе придаваме значење на секакви битанги кои се експонираат по медиуми бидејќи некој кој има конекции со истите им обезбедил платформа, на тацна. И понатаму гледам и читам полуписмени коментари токму на такви битанги.
Едноставно е, просекот е таков, тој е, такви луѓе доминираат овде, и статистички нормално е дека секакви девијантни појави ќе се појавуваат, иако нели, секаде има ѕверства и во многу позрели и поздрави општества.
Ние во континуитет не ги учиме лекциите што се случуваат од наши грешки, и упорно си продолжуваме мислејќи исклучиво само на својот живот, освен некои 5 минути чисто да ја искажеме нашата емпатичност која е толку површна и провидна, и го гледаш дното едноставно. По едно постче, сликче, коментарче, share-че и тоа е, видете ме сите емпатичен/а сум, ама само за пред други. А останатите 23 часа и 50 минути сум си јас јас. Уосталом, што ми е гајле за некој што е изгубен онаму од некое котлинско или ридско планинско село во државава?
Луѓе до толку се навлезени во автобиографски филм за себе, мислат дека светот се врти околу нив што и за свои луѓе веќе имаат кренато раце, не па за некој рандом старец од Свирипичино или пак дури и за девојче од 14 години грабнато во центар на Скопје. Си имам јас свој hustle другар, не ме интересира тоа - такви коментари.
Како ќе ја смениш состојбава во општеството ? Ако се смениш самиот, ако ставиш прст на глава, и ставиш крај на своите демони и темници какви и да се и колку и да е тешко да се излезе од нив. Само така, преку самочистење од твоите демони, ти ќе ги чистиш и филтрираш надворешните. Можам да гарантирам дека 99% од нас овде седиме или сме седнале на ист астал со такви битанги кои за да си го извадат гзот, ете какви постапки прават.
Јас ви гарантирам дека огромен дел од населението кое као глуми потресено, ако му се "поклопат" коцките, и ако појдат некои ствари удоле, не верувам дека би размислиле 2 пати дали да направат некое психопатско дело, особено ако сопствениот газ е во прашање.