Десет корисни работи за да почнете со fitness
Сте се почувствувале ли никогаш немоќни во играта да се зачува здравјето и да се биде во
топ форма (to be fit што би рекле нашите пријатели од преку океанот). И вам а и мене ни е јасно дека постојат толку многу информации за ова околу нас што дури и новостите во весниците не можат да ни прикажат еден единствен став околу оваа проблематика...
Маргаринот е подобар од путерот. Не, путерот е подобар од маргаринот. Кафето е лошо по здравјето. Чекај, кафето може да ти помогне. Виното може да ги спречи болестите на срцето. Не, виното може да го поттикне ракот на дојките. ПА ДОБРО ШТО ОД ОВА Е ТОЧНО?
Па така следниот пат кога ќе ѕирнете во некој весник, магазин, книга, или што и да било и кога ќе западнете во морето информации за здравјето присетете се на оваа листа на десет основни корисни работи за фитнес. Овие совети, ако се следат соодветно, ќе ви го продолжат животот за повеќе години, чувствувајќи се во форма, силни, полни со енергија а со тоа ќе ви се засили самодовербата.
1. 30 минути вежбање дневно. Не мислам на прошетка во парк, иако можете да вежбате каде ви е згодно па и во парк ако сакате. Всушност овде зборувам за најмалку 30 минути (до 60 максимум) напрегање на вашето тело повеќе од она на што свикнало во секојдневните активности. Сега можам да замислам некого од вас намуртен, мислејќи дека ве терам да се измачувате со некакви си исцрпувачки вежби. Воопшто не ми паѓа напамет такво нешто.
Отфрлете ги лошите навики ризик за многу смртоносни болести и поткренете го вашиот метаболизам со аеробик вежби и со вежби за зајакнување и со тоа ќе го забавите (па до извесна мера и ќе го вратите наназад) процесот на стареење.
2. Престанете да се оптоварувате со работи кои само ви оневозможуваат да бидете здрави, во форма и полни со енергија. Зошто да си ја трошите вашата среќа, здравје , време, и енергија кога тоа не ви е неопходно.
Оптоварувањето со некои работи не чини за никого. Направете листа на десет работи кои ги толерирате постојано во вашиот дом.
ВЕДНАШ ДЕЈСТВУВАЈТЕ за да ги отстраните овие непотребни нешта. Бидете сигурни дека сте го елиминирале ИЗВОРОТ на таа толеранција. Направете го истото и на вашето работно место. Разберете дека сте презаситени од толерирање на нештата. Обидете се и посветете се на ослободувањето од толеранцијата. ПРЕСТАНЕТЕ ДА СЕ ЖАЛИТЕ и преземете конкретни чекори.
3. Овошје и зеленчук. Земете пет до седум оброци од овошје и зеленчук на ден. Не само што го намалуваат ризикот од добивање на некои форми на рак, туку тие се здрави за вашето срце, и ви обезбедуваат многу поголема хранливост за многу помалку пари. Освен тоа растителните влакна кои тие ги содржат во себе ви даваат чувство на исполнетост на вашиот желудник дури и кога јадете помалку. Значи овошјето и зеленчукот се пријатели на нашата витка телесна линија.
4. Поедноставете го вашиот живот, веднаш. Нашите животи се премногу спакувани во проекти, цели, идеи, би можел ова , би требало она, морам тоа, обврски, одговорности...
Уф леле!
Запрашете се себеси:
- Зошто животот ми е толку напорен? Зошто избрав да направам толку многу работи?
- Што градам со мојот актуелен животен стил? Има ли некаква иднина во сето тоа? Дали иднината ја градам по цена на мојата сегашност?
- Што пропуштам во врска со себе поради мојот тековен животен стил?
Почнете со тоа што ќе прекинете со 3 проекти, задачи, одговорности, морам ова, цели итн. кои не се неопходни. Елиминирајте, пренасочете, или направете систем за 12 задачи кои ви ја цицаат вашата енергија до крај. Кога мислите на нешто што “морате да го направите“, застанете и прашајте се себеси зошто морам да го направам тоа. Веројатно и не морате.
5. Земете мултивитамини. Ова ви е ваша осигурителна полиса дека вашето тело ќе ја добие хранливата материја по која копнее. Антиоксиданси. Калциум. Фолна киселина. Целосна палета на витамини и минерали потребни да изградат посилни коски, да го максимизираат вашиот метаболизам, да ја надополнат енергијата, да ги нахранат мускулите, итн.
6. Креирајте и користете 10 Дневни Навики. Постои дневна рутина која ќе ве држи фокусирани, јасни, мотивирани да се движите напред- вашите 10 Дневни Навики. ТОА се работите кои ги правите секој ден а кои ви го прават животот подобар.
Изберете навики кои
САКАТЕ да ги правите. Не постои место за “би требало“ или“би морал “ во вашите 10 дневни навики. Наместо тоа изберете или креирајте навики кои ги посакувате и кои ви прават задоволство.
Изберете навики кои
ВИ ДАВААТ ЕНЕРГИЈА. Најчесто од 10те дневни навики кои всушност имаат ефект кај луѓето се оние кои се придодаваат на благосостојбата на личноста или на протокот на енергија. Тоа би можело да биде нешто како да се земаат 6 овошки дневно, возење велосипед, 20 минути интензивно вежбање, дневна прошетка во парк...
Промени ги твоите 10 дневни навики ако е потребно. Потребно е некое фино прилагодување за да ги имаш 10те навики кои функционираат најдобро за тебе. Ако не ги правиш една или две од твоите навики, замени ги со оние кои си доаѓаат природно по себе.
7. Земи си го сончето. Скратувајќи си го сонот не само што ве прави мамурни и помалку продуктивни туку може предвреме да ве остари и да поттикне некои сериозни болести како шеќерна болест или висок крвен притисок. Отспијте мирно 7-8 часа секоја ноќ.
8. Подобри го начинот на однесување. Престани со обидите да ги смениш своите постапки. Наместо тоа, направи промени во себе си- во својата личност.
Повторувајќи си работи како, “ќе престанам да јадам шеќер“, “нема јадење после 19часот“, “ќе јадам само храна која ме одржува и која не гои“, или “ќе вежбам секој ден ,почнувајќи од понеделник,“ фокусот е на она што сакам/треба да променам.
Спореди го ова со, “ јас се грижам за моето тело,“ јас сум од оние кои се за здрав живот,“ денот ми е ориентиран кон мојата благосостојба и вежби,“имам подобри работи да правам отколку да јадам нездрава храна,“потребна ми е мојата енергија за да ги остварам моите цели.“
Ја воочувате ли разликата? Втората група на изјави се фокусира на тоа
КОЈ СТЕ ВИЕ и што сакате во вашиот живот , не само промените кои сакате да ги направите. Оваа поместување не е само козметичко шминкање на првиот сет на изјави. Туку таа повикува на посветеност кон своите постапки. Кога ќе се фокусирате кон тоа кој сте вие, работите природно изгледаат различно , и резултатите се очигледни.
9. Хранете го вашето тело добро, и хранете го често. Ако ви е потребно изобилие на енергија за да го засилите вашиот метаболизам, 2 или 3 оброци дневно нема да се доволно. Распоредете ги вашите оброци во текот на денот (4-6), урамнотежете ги со протеини, овошје и зеленчук, и по малку од корисните масти како ореви или бадеми, или масла како маслиново масло, и вашето тело ќе биде добро омаснето, послабо, полно со енергија и во топ форма.
10. Пијте вода! Пијте најмалку осум чаши вода дневно- дури и лесна дехидрација може да ве направи летаргични. Сведете ја до максимум можноста на црниот дроб да метаболизира со пиење повеќе вода така што тој нема да работи прекувремено за да го детоксицира вашето тело. Контролирајте ја вашата тежина и апетит. Припаднички на понежниот пол: со ова може и да го намалите ризикот од рак на дебелото црево.