Во Тетово по училиштата нема етнички смени, но има етнички поделени објекти.
Во гимназијата „Кирил Пејчиновиќ“ паралелките на македонски јазик, веќе неколку години, учат во посебен објект, одделени од оние на албански.
Инциденти има, но многу помалку за разлика од Струга и Скопје, вели помошник директорот Ферат Несими.
„Има инциденти, но тие инциденти се поретки отколку што се меѓусебни кавги да речеме Албанци со Албанци, Македонци со Македонци. Наводно некој трчал со нож, но мислиме дека тоа не е вистина, оти таму во тие објекти учат прва година и ги знаеме учениците, не се во тој степен расипани“, изјави Несими.
Ферат Несими: Има помалку инциденти од Струга и Скопје
Од училиштето велат дека етничките смени се најлошото што може да и се случи на младината, а објектите се поделени, зашто учениците се меѓусебно провоцирале со што иницирале инциденти. Вака било подобро.
„Албанци, Македонци, па беа напишани на табла некои провокативни зборови, така што одлучивме од пред две години тоа да биде само за македонска настава, бидејќи тоа е соодветно со бројот на учениците“, додаде Несими.
Во основните и средните училишта се учи во мешани смени. Во последниве
неколку месеци не се евидентирани сериозни инциденти од етнички карактиер, но во повеќето од нив забележливо е
присуството на лицата од агенциите за обезбедување.
Извор А1
