Дечки вчера се вратив од Тирана, присуствував на првото генерално собрание на Western Balkans Alumni Association (WBAA), организација наменета за студентите и професорите од 6-те* земји на Западен Балкан кои оствариле мобилност преку било која од Еразмус+ програмите (обична мобилност, Еразмус Мундус, Марија Кири итн.).
Basically, се работи за доста сериозна организација, која е под капата на ЕУ и директно одговара пред Европската Комисија. Задолжена е за промоција и развој на Еразмус програмата на нашиве простори, како и за реализирање на најразлични проекти, се разбира сето финансирано од ЕУ. Официјално започна со работа лани, имавме викенд митинг во Охрид (како и многу други состаноци во Брисел, Подгорица итн. на кои јас не присуствував), а после собранието што се одржа викендов, се започнува со вистинската работа за која што е формирана.
Го пишувам постов со цел да информирам тие што не се членови, тие што пропуштиле да станат членови, како и идните потенцијални членови што допрва треба да заминат или да го довршат својот Еразмус престој. Апликацијата за членство е постојано отворена и кон неа можете да пристапите на следното линкче:
https://www.western-balkans-alumni.eu/membership/
Како членови имате право да учествувате во активностите, да поднесете предлог-проект, за кој доколку е одобрен ќе добиете финансиска и логистичка поддршка (грантови од 1500, 5000 и 10000 евра), да членувате во бордот и во тимовите, како и да одлучувате за работата на самата асоцијација.
Звучи ептен Топ-Шоповски сето ова, свесен сум, али нема никаква врска тоа, не е реклама или промоција, ниту пак добивам процент или реферал за секој нов член
![Зелен :D :D](/styles/default/xenforo/smilies/biggrin.png)
. Самата организација не е ништо налик студентските парламенти и Бест-мест такви организации (ниту налик МЛМ сектите со енерџајзерите, рол-коловите и слично, нема такви срања
![Зелен :D :D](/styles/default/xenforo/smilies/biggrin.png)
), доста е посериозно и полеџит (пример членовите на бордот во Јуни во Белград ќе имаат состанок со министрите за образование од сите шест земји и со претставници од ЕУ и ќе се разговара за имплементација и финансирање на конкретни работи). Со зачленување добивате многу; иако сета работа е на волонтерска база, се што треба, чак и повеќе од тоа (5 star hotels
![Лолз :icon_lol: :icon_lol:](/styles/default/xenforo/emot/icon_lol.gif)
), е финансирано од ЕУ, а да не зборувам за конкретното искуство и контактите што се стекнуваат доколку сте повеќе ангажирани во работата. Се е организирано на највисоко можно ниво. Нормално, слободно прашајте се што ве интересира, разгледајте ја веб-страната и се разбира регистрирајте се за да се дружиме, заедно да прошетаме и секако, да сработиме нешто што ќе има позитивен импакт
![Зелен :D :D](/styles/default/xenforo/smilies/biggrin.png)
.