Кајгано бре, последниве неколку дена 10 минути чекав да ми се отвориш, не знам дали до мојот драг нет подржан од Близу (Вип де) или до тебе, ама јас бев лишан од тоа да ти пишувам. Па еве у меѓувреме што се случуваше.
Два дена годинава немам ставено леќи, едниот ден имало трки цело време дрифтале, па полиција дошла ги бркала, јас кутриот ќорчо дека подалеку седевме глеав само светлата на полициската кола и пиксели многу многу пиксели. Другиот ден беше вчера, имало експлицитни сцени на клупи на отворено подрачје, секако и од тоа ништо не е видено, додека сите околу тебе сеир фаќаат. Останатите денови од секојдневниот живот кога носам леќи светот е во тотална хармонија и благосостојба, кулкул.
Решив без никаква причина да се јавам на баба ми, да прашам што праи, да свртам два реда муабет, дека секогаш само за родендени и битни дешавки во животот ми се јавува, и ете ми дојде да се јавам онака еднаш чисто онака без причина. Следното кога се дознало дека сум се јавил, домашните одма теории направија по телефони убаво да проучат зошто што како, по кој повод, не можело да е онака од ништо, која била скриената намера. И така заклучив дека во светот луѓето очекуваат да си лош, да не покажуваш внимание, и секоја поинаква појава е максимално чуда и се јавуваат прашалници и зборот зошто. Место да е обратно, тапа малце нели
А да секако и ова ќе заборавев, да је Филип бити лако Филип би био свако. Пред некој ден бев на контрола за забите (носам ритејнер на горните заби бидејќи после протези вадење нели) и сега контрола имав после 3,4 месеци и баш онака се израдував пошто ритејнерот цело време на 2 дена ми се откачуваше и некако чудо 3 месеци супер да е, да нема никаков проблем. После контролата следниот ден се откачува, денес пак ми го местат. При едно местење треба со вода у базен да се бањаш со 10 крпи да собираш води, да ти ставаат киселини и да ти горчи до степен да си ја лупаш главата во тоа столицата и да те влечат со конци. Таман го напраив, сега пак сум јадел нешто тврдо очигледно и пак ми се откачи. Трауми смак кошмари biggest fears...
