Драга Кајгана (виртуелен дневник)

[Kangchenjunga]

 

[Kadaif]

Смешно е кајгана коа читаш дека поради некој таму невакциниран магарац и неговиот неандерталски татко кој нема два збора разменето со некој надвор од неговата орда иако го "шета" светот. Некој член "сватил" дека католиците (читај енглезите кои се евангелисти) католиците ги потценувале православните?

Добро бе прочитајте каква е религиозната карта на светот пред да пишувате вакви глупости бе. Мрднете малку подалеку од Врање и од тој мочан телевизор. Абе интернет имате користете го! Кој ви го дал и зошто да го утепаш тој!

 

[TrendS]

Македонската музика. Нашето богатство нели? Но не за секого. Северџаните не слушаат Македонска музика во било каква прилика, тоа за нив била вмровска музика, која во нивните плитки испрани мозочиња им е строго забрането да помислат да ја пуштат, и према која имаат гнев и одвратност.
Према што гнев и одвратност? Према музиката која потекнува од Македонски автори. Према музиката која потекнува од државата во која се родиле и живеат, одвратност према Македонија. Нивните идиотштини немаат граници.
Затоа слушаат строго Српска музика и по некоја Бугарска. Која мизерија. Ми се повраќа.

 

[Saladin]

Ми искочи на њузфидот на фејсбукот од порталот/весникот Фокус за одредена госпоѓа која прочитала енормна бројка на книги изминатава година. Фрлив опуљ чисто од љубопитност во одделот на коментари и не се изненадив воопшто до кое дереџе се имаме досимнато. Голем дел на „мажиња“ кењаат балкански муабет за кујни вардење, деца чување, деца правење, клецање, има и онакви кои културно пробуваат истиот муабет да го надоврзат, а и ма и такви кои повикуваат на јавен линч.
Само да споделам вака...

 

[SkimSkam]

На Linkedin ми искочи реклама administrative assistant Master Class. Инстант искршив два лаптопа и фрлив телефонот преку прозор.

 

[Aceso]

Некогаш кога носам некои поважни одлуки сакам да се консултирам со луѓето кои ми значат. Едноставно сакам да слушнам нивни ставови, размислувања, идеи или искуства. И се тоа е убаво, ама во некои моменти чувствувам дека премногу дозволувам да се навлегува во мојот личен простор. И ме гуши. Всушност, реалноста е дека во таквите моменти има неколку фактори кои ме кочат, а како најчеста причина за блокада ми е стравот да направам погрешен избор (зошто нели, различни луѓе - различни перцепции). Како и да е, сфаќам дека во исправноста на одлуката ќе се уверам само кога ќе помине времето. Животот е ризик сам по себе и што и да си одлучил, си одлучил затоа што во тој момент тоа било најдоброто решение според тебе.

Убаво е да слушнеш туѓи размислувања и искуства, убаво е и да имаш поддршка, но не треба сопствените одлуки да ги засноваме на туѓите перцепции и она што го сакаат другите. Тие имаат свој живот, своја шанса во животот, а мојот живот е само во мои раце и само јас сум таа што може да го живее на најдобар можен начин. Actually и на најлош можен, ама многу си се сакам, па се трудам да си посакувам само убави нешта. И се трудам рационално да постапувам!

Главата ми е тапан од многу размислувања денес, ама искрено се надевам дека не сум згрешила. Многу убава лекција си научив денес.

Добра ноќ.

 

[парва]

Драа

Нејќу да ми ги лајкнуеф траке у Денот звучи без да гу ислушаф целу!

 

[Partizanen banditen]

Драга

Сабајле роднините ме известија толку радосно дека Ѓоковиќ ке игра на Аустралијан Опен што не би ми кажале кога би завршила пандемијава.

 

[Tyrael]

Драга, ноќеска сањав како една жена од возраст накај четериесетина години ме следи сегде ме манијачи. Една така пуничка жена со црна коса. Кога се претстави испадна тоа да ти била Поздрав 1 топол.

 

[Mancunian]

 

[Shutmanga]

ДК после долго одолговлекување евиденто беше дека морам конечно да пресечам. Ставиле 30 и кусур секунди реклами на видеа кој не можеш да ги скипнеш. Толку беше, стварно ми прекипе, настрана сите глупости и сета негатива што ги конзумирам на дневна база од оваа платформа. An end of an era..збогум Фејсбук, жал ми е, баш беше забавно на почетокот пред да те силуваат.

 

[Лаик]

Господине Путин ако ме читаш и ако си верник молим те место да љубиш икони во црква(имаш подршка и за тоа) покажи ја верата во делата и стегни пар нуклеарки и ќе бидеш опеан во следните поколенија...Сакам кога ќе се прави апдејт на гугл ирт и гугл мапс да има дупки на следниве локации-Лондон Сити и Ватикан...поздрав и се најубаво и поздрави ги сите во кабинетот од чистачката до генералот со клучевите за активација...

 

[Емкаа]

Ќе ми останеш како најголема болка. Со години наназад и самата помисла на овој чин ме расплакуваше, секое поздравување имав кнедла во грлото. Еднаш те сонував дека си умрел и се разбудив со плачење. Арно ама сега не е сон.
Толку прекрасни спомени ми остави, толку убави ритуали си имавме. Беше толку добар и сестран човек, душа од човек. Приказни безброј, беше како книга. Ни глас повишен, ни лош збор изустен. Секогаш простуваше, никогаш не држеше лутина. Скромен.Често од други луѓе дознававме за сите добрини кои си ги направил. Уживаше во животот, беше господин човек, боем.

До крај доследен на верувањата кои си ги имаше, и покрај сите маки. Не сфаќав како човек кој цел живот бил верник и тоа искрен верник за своја душа, не за чалам, завршува на таков суров начин. Ама и за тоа имаше одговор. Емке верник се останува до крај. На крај рече секој човек си го носи својот крст. И до крај не се предаваше, во очите ти гледав дека имаш желба за живот. И тогаш сфатив дека секој е скроен да го носи сопствениот товар, а ти беше величина од човек спремен за се. Ако крајот ти беше тест, дефинитивно го положи. Морам да верувам во рај бидејќи само тоа е достојно место за тебе.

Се надевам дека ќе си најдеш мир. Проштевај за сите грешки, се беше од љубов. Бескрајно ќе ми фалиш и секојдневно ќе се сеќавам на тебе. Намини понекогаш на сон, да ми раскажеш некоја приказна и мудрост.
Почивај во мир генерале.


Ајдеее!
Ајде, кде?
Дебар на бана.

 

[onefifty]

На 15ти ми е роденден, полнам 28 цели. Си доаѓам од работа денес, мајка си е мајка бе, 10 гаќи, 5 подкошули, пижами, топлинки. Многу ја сакам, обожавам практични поклони посебно кога ќе те освестат дека ти уствари годиниве си ги живеел ко чергар со 3 пара саглам гаќи, така е кога немаш девојка па да те фати срам, можеш и гол да се шеташ комотно, кого му е гајле дали гаќите имаат дупки или не, бесрамно.
Се осеќам ко Џани Версаче, ко Том Хаверфорд.
А да, заборавив, добив и свилена прекривка за нозе.
Се луксузирам. Фала мајче<3
За крај ќе ви оставам убава песна, класичен хит бидејќи прочитавте еден куп непотребни информации.

 

[TrendS]

Ајде од утре па до којзнае кога, цела фирма сме на работа од дома.
Буфна кај мене на работа, заклучно со денес 68% од колегите ми се позитивни со симптоми, останатите сеуште сме читави.
Последен пат се сеќавате кога работевме од дома? Пролет 2020та

Нека иде се по ѓаволите, ова е лудило без крај. Пак сме на нов почеток со вирусов, исто како пред две години.