Preporaka: Koga se pribirate sabajle kun 6 ili 7 casot kupetesi leb od najbliskata prodavnica!!! laznjak?!
Да, да... проверена варијанта.
Сепак, проблематични размисли и ситуации кои можат да се јават при овој обид за симулација на домаќинлук се следните:
1. "Кај се наоѓаше бе продавницата?" - се обидувате да се присетите на географските координати на најблиската пордавничка. По грешка влегувате во локалната аптека. Вработените повикуваат полиција.
2. "Сите пари сум ги испил, мамата..." - доволно пијан за да се каете што немате инсталирано лифт во вашиот дом, доволно трезен за да ја согледате реалната економска ситуација во вашиот паричник.
3. Доколку сепак сте завртеле некој денар во џеб, не купувате леб туку две-три големи лименки скопско, онака од посабајлечки.
4. Ви се допаѓа продавачката и за да ја фасцинирате покрај леб, купувате и паштета и јогурт- нека види дека имате кеш; седнувате пред влезот на продавничката и нудите гриз на сите случајни минувачи (момците од Комунална Хигиена, второоделенки...) Не успевате да се прикажете како хуман богаташ, зошто никој не ве перцепира, дури ни вашиот желудник... Ја исфрлате содржината од него точно пред влезот на продавницата. Сега покрај угледот, ја заљубивте и љубовта и храната и изговорот....
------------
Не е баш едноставен "лажњакот" со леб. Крајно, и да се најдете пред влезот на кујната со кесенце леб во рака, може да ве издадат црвените очи, флеката од вино на левата ногавица, кошулата која виси на едно копче, фризурата "Луди Милојко" и здивот кој како ехо одзвонува од сетилата на сите живи организми во вашиот дом (родители, растенија и сл.).
Ама, вреди да се проба.