Дали кладењето е коцка?

[Атомската мравка]

Играм скоро 10тина години кладилница (а млад сум) и секогаш кога играм - играм само со пари што не ми требаат, никогаш не сум скратил од нешто друго на пример за да уплатам за повеќе и сл.. ако имам играм ако не пуштам нешто минимално или пак ич не уплаќам, имам правено и паузи по 5-6 месеци кога едноставно ќе решам да не играм значи не сметам дека е нешто од што неможеш да се откажеш. Плус не гледам причина зошто би се откажал кога ми испаѓа некој денар плус од кладилницава

 

[Sagan]

Обложувањето е спортска аналитика.
Коцка е за тие кои ливчиња пишуваат гледајќи ги само коефициентите.

 

[Струмикс]

Некои викаат дека коцкање е игра со карти или на машини? Други викаат и дека кладењето спаѓа во категорија коцка.
Какво е вашето мислење за оваа појава? Дали може со уплаќање ливчиња да се стане коцкар со сите последици кои ги носи?

A што е ако не е коцка? Даваш пари и не си сигурен дали ќе добиеш нешто.
Следствено, со тоа идат и сите последици од комарот...

 

[ruller]

Ај кладењето ОК, ќе пишиш ливче ќе чекаш цел ден, туку јас речи шо ојдов в казино и си ги дадов парињата за 1 сат

 

[Kocka]

i jas sum Kocka

 

[Ставрогин]

Кладењето во однос на казиното (посебно на рулетот) е како метадон во однос на хероин.

Познавам еден куп хронични коцкари, кои изгубиле многу пари на рулет, и на кои кладењето им помогнало да се спасат од казината.

Инаку, кладењето е чиста математиkа, оној кој ја разбира таа математика ќе биде во плус. Од кладење може многу добро да се живее, но на начин на кој кладењето претставува работа, и која работа воопшто не е едноставна.

За најголемиот дел од оние кои се кладат во Македонија кладењето е ефтина забава, начин да се побегне од реалноста. За власта кладењето е опиум за народот, начин да се канализира негативната енергија од катастрофалната економска ситуација, и плус е стабилен бизнис кој вработува доста луѓе, и од кој државата наплаќа убави суми на име на данок.

 

[Vanlok]

Дали кладењето е коцка?

Дали курвата е невина?
(да, ама само пред првиот пат)

 

[Xibalba]

Инаку, кладењето е чиста математиkа, оној кој ја разбира таа математика ќе биде во плус.

Кој ја разбира математиката сфатил дека статистички секогаш си во минус, т.е. куќата секогаш е во добивка.
Што би рекол Ворен Бафет: Gambling is tax on ignorance, коцката е данок на неукоста.

 

[Vanlok]

Кој ја разбира математиката сфатил дека статистички секогаш си во минус, т.е. куќата секогаш е во добивка.

Да, ама понекој тука и таму, добива. За да „добиеш„ мораш да пробаш, којзнае можеби баш ти ќе успееш!

;-P​

 

[Ставрогин]

Кој ја разбира математиката сфатил дека статистички секогаш си во минус, т.е. куќата секогаш е во добивка.
Што би рекол Ворен Бафет: Gambling is tax on ignorance, коцката е данок на неукоста.

Реално, зборуваш за работи што не го познаваш доволно, и ги зачинуваш со зборови на финансиски авторитет, демек да ти добие мислењето на тежина. Бафет тоа го кажал за 100%-те игри на среќа, какви што се оние во казината, каде што самата поставка на игрите е таква да во нив е вградена маргина која оневозможува играчот на долги стази да биде во плус.
--- надополнето: 3 ноември 2013 во 09:22 ---

Да, ама понекој тука и таму, добива. За да „добиеш„ мораш да пробаш, којзнае можеби баш ти ќе успееш!

;-P​

Истото важи и за тебе во моментов. Ако се коцкаш во казино, на кратки стази можеш да бидеш во плус. Ако тоа го правиш долгорочно, сигурно ќе бидеш во минус. Мора да правите разлика помеѓу 100% игри на среќа, како што се на пример рулетот и Блек Џекот (иако се пронајдени начини и кај едната и кај другата математиката да работи на страна на играчот, watching и card counting) и 40% игра на среќа како што е кладењето.

 

[Xibalba]

Реално, зборуваш за работи што не го познаваш доволно, и ги зачинуваш со зборови на финансиски авторитет, демек да ти добие мислењето на тежина.

Машко, моите мислења имат тежина и без зачини.

Бафет тоа го кажал за 100%-те игри на среќа, какви што се оние во казината, каде што самата поставка на игрите е таква да во нив е вградена маргина која оневозможува играчот на долги стази да биде во плус.

Бафет ова го кажал за сите игри на среќа, тоа ги вклучува и кладилниците.
Не мора да си гениј да сфатиш кој добива од кладилниците, само погледни колку пари направија газдите на истите, а колку играчи останаа без дуќани, коли, станови за да фатат кец у кец.

Да не заборавам да те прашам, колку си ти во добивка од кладилниците, а? Очекувам краток и искрен одговор.

 

[Ставрогин]

Не мора да си гениј да сфатиш кој добива од кладилниците, само погледни колку пари направија газдите на истите, а колку играчи останаа без дуќани, коли, станови за да фатат кец у кец.

Да не заборавам да те прашам, колку си ти во добивка од кладилниците, а? Очекувам краток и искрен одговор.

Ти имаш детско наивна претстава за кладењето. Ниту некогаш си размислил сериозно за него, ниту си прочитал исцрпно. Тебе репер ти се македонските кладилници, и испотените чичковци кои таму губат пари.

Јас во Лондон сум бил во канцеларии на луѓе кои се занимаваат со кладење, и кои многу удобно живеат од тоа. Претпоставувам дека појма немаш нити за Betfair, кој го револуционизира кладењето.

Јас повеќе од 15 години живеам од он лајн кладилниците. Исклучиво од тоа. Сум бил од двете страни на кладењето, сум држел кладилница, и сум се кладел на сите можни начини за кои имаш и немаш слушнато. Сериозно мислиш дека можеш да ми кажеш нешто за кладењето штој јас не го знам?

 

[Io Sono Interista]

Познавам еден куп хронични коцкари, кои изгубиле многу пари на рулет, и на кои кладењето им помогнало да се спасат од казината.

Исто. Познавам луѓе кои враќаа тешки долгови од казината, кладилницата им е нешто како терапија. Го задоволува коцкарот во нив а загубите им се контролирани.

Според мене кладењето е коцка, но многу поблага верзија од онаа во казината. Иако знам луѓе кои ставаат големи пари и во кладилница, најголемиот дел се бадијалџии. Кладилницата од тој аспект не се разликува премногу од од играњето спортска или лото. И порано најголемиот дел од луѓето кои уплаќаа спортска ја уплаќаа минималната сума, со надеж дека ќе им се посреќи, а закоравените коцкари одеа на скапи системи.

Сепак може да создаде зависност и кај повеќето луѓе создава.

Познавам исто така луѓе кои одат во кладилница за социјализација. Често луѓе без добар социјален живот или без доволно пари за да го поминат времето во некоја друга активност, одат во кладилница затоа што можат да дремат цел ден без пари или пак ќе уплатат 50 денари, и ќе го поминат времето со познаници и луѓе со кои имат заедничка тема за разговор. Ова можам да речам дека во сите негативни работи е нешто позитивно, барем според мене.

Исто така, кој е од мешана етничка средина може да забележи дека во кладилница разликите се помали додека го чекаш Јеовил да даде гол на пример, и постои комуникација помеѓу различните етникуми на заеднички теми како географија, фудбал, сексуална ориентација на судиите итн...

Не верувам дека може да се заработи од кладилница.

 

[Vanlok]

За власта кладењето е опиум за народот, начин да се канализира негативната енергија од катастрофалната економска ситуација, и плус е стабилен бизнис кој вработува доста луѓе, и од кој државата наплаќа убави суми на име на данок.

Реалноста е дека за власта (било која, пошто непартиски зборувам), најважен е „данокот„ што иде директно во нечии џебови или во најмала рака во „донации„ за предизборни кампањи.

Држава ако мисли на народот едноставно самата би го вршела бизнисот, и парите тогаш сите би оделе во државната каса. Наместо некои бедни 18% проценти (или колку и да е данокот за игри на среќа).
Впрочем целата работа со коцкањето/обложувањето е навистина не е ништо повеќе од собирање на данок на глупост и неукост (како што веќе кажа Бранчез), проста раја ред чека да ги фрли парите, чат пат ќе фатат некоја добивка колку да се лажат да уплаќаат повторно.
Но ако некој инсистира да плаќа солидни пари за минискулна шанса за збогатување, тогаш не можеш да го спречуваш со сила... Но парите нека одат во државата а не во нечии џебови и да се правиме демек и тоа е добро зошто неколку сироти работници се вработени на неодредено време и за минимална плата (тие што воопшто се пријавени како вработени).



Ама алас, забегав во офтопик. Малку да напишам нешто и од аспект на тоа каква е разликата помеѓу обложување до казино тип на коцкање.

Разликата е само во методот на подесувањето на маргината на добивка.
Ако во казината ги местат алгоритмите на електорнските игри, или на постарите аналогни направи (рулет, итн) се подесуваат други финти... тогаш кај обложувањето тоа се прави преку местење на исходот од натпреварите. Ако ги симплифицираме работите и го занемариме методот, резултатот е потополно ист: КУЌАТА СЕКОГАШ ДОБИВА!!!
Единствената разлика е што кај казината заебаната странка е само коцкарот, а кај обложувањто заебани сме сите ние што сакаме спорт. Обложувањето го уништи спортот, и секој што мисли различно е наивен.


Секое обвинување, дека за ова горе нема докази и дека теориите ми се неточни, можам да го насочам кај Окам (и неговиот брич).

 

[Xibalba]

сум држел кладилница

Знаев, штом толку им правиш филм на децата дека пари се прават со кладење тогаш мора да си (или си бил) газда на кладилница.
Значи двајцата сме биле во право, ти дека пари се прават од кладење а јас дека парите ги прават газдите на кладилниците.

Јас во Лондон сум бил во канцеларии на луѓе кои се занимаваат со кладење, и кои многу удобно живеат од тоа. Претпоставувам дека појма немаш нити за Betfair, кој го револуционизра кладењето.

Нема потреба да идам во Лондон, кај мене на работа имаат доаѓано такви од бел свет и ми го имаат објаснето процесот како функционира кладењето со помош на бетфер. Генерално различните опции им се сведуваа на тоа да го фатат тикерот на бетфер кога ќе падне позначително за краток временски период (сигнал за наместена) и да ја уплатат пред да ја затворат таа утакмица онлајн кладилниците.

Сериозно мислиш дека можеш да ми кажеш нешто за кладењето штој јас не го знам?

Очекував одговор колку си во добивка како играч (не како газда), а добив прашање. Да не работиш како ПР во влада па на прашање одговараш со прашање?