Младиот напаѓач на Интер потпиша втор договор со клубот до 2010 година. Постојат големи шанси, младиот напаѓач на Интер и еден од најталентираните фудбалери во Европа, Горан Славковски, чии родители потекнуваат од Македонија од скопското село Бразда наскоро да го облече дресот на младата репрезентација на Македонија, играчи до 21 година. Иако, тој има шведски пасош и шведско државјанство не постои никаков проблем да добие македонски пасош кој го поседуваат и неговите родители кои веќе 20. години живеат во Шведска, во Малме.
Како што е познато Горан Славковски, кој деновиве наполни 18 години, беше стандарден првотимец и голгетер на шведскиот прволигаш Малме, но неговите игри не останаа незабележани. Овој извонредно перспективен фудбалер, висок 194 см, тежок 86 кг., со своите голови го привлече вниманието на големите фудбалски клубови Манчестер Јунајтед, Арсенал, Милан, Баерн, но неговиот менаџер, познатиот Јозо Палац донесе одлука да се прифати понудата на италијанскиот фудбалски гигант Интер и од пред неполни две години Славковски се најде во Милано и потпиша договор со Интер до 2008 година. Со неполни 17 години и дебитираше за првата екипа на Интер, но со оглед на силната конкуренција која владее во овој клуб, тренерот Манчини секојдневно тренира со него заедно со останатите првотимци, но Горан Славковски засега настапува за вториот тим на Интер.
Во минатата година поради добрите игри за втората екипа на Интер, поради неговите голови беше прогласен за најдобар млад играч во Италија додека еден англиски весник го прогласи за трет најперспективен фудбалер на светот зад познатиот напаѓач на Барселона Меси.
Токму поради сето ова како што не извести неговиот менаџер Јозо Палац Славковски пред два дена по барање на газдите на клубот го продолжи договорот со Интер до 2010 година што е уште еден доказ за каков вонсериски фудбалер се работи. Навистина засега нема место во првата гарнитура на Интер, но не треба да се заборави дека и настапите за вториот тим во мошне силна конкуренција на италијанските второлигашки гарнитури се можност да ги покаже своите квалитети.
Иако, минатата година при посетата на Скопје неговиот татко Раде и менаџерот Палац не дадоа конкретен одговор дали Горан Славковски ќе игра за Македонија, со оглед дека има шведски пасош, дека и Италијанците покрај Хрватите му понудија свое државјанство да настапува за селекциите на овие држави, дознавме дека е веќе завршена работа Горан Славковски да го облече дресот на репрезентацијата на Македонија, веќе на претстојните две средби на младата репрезентација на нашата држава, на 25 март со Црна Гора во Скопје и на 28 март со Албанија во Битола.
Како што дознаваме деновиве во Милано престојува директорот на Агенцијата за спорт и млади Ивица Георгиевски кој треба во името на премиерот на Македонија Никола Груевски да разговара со Горан Славковски и неговите родители во иднина тој да добие македонски пасош, што не е проблем и да игра за репрезентацијата на Македонија. Најпрвин за младата, а потоа, јасно доколку тоа го побара Катанец и за најдобрата селекција што е речиси сигурно бидејќи веќе подолго време селекторот Катанец се распрашуваше какви се шансите младиот Славковски да игра за Македонија.
Во текот на денешниот ден Ивица Георгиевски во Милано, каде се наоѓа веќе неколку дена треба да се сретне со Славковски, неговиот татко Раде и менаџерот Јозо Палац да ги договорат деталите околу настапот на Горан Славковски за Македонија.
Вчера разговаравме и телефонски со неговиот татко Раде кој е веќе во Милано во посета на синот и кој беше категоричен:
- Со сопругата долго разговаравме со Горан, бидејќи се договоривме кога ќе наполни 18 години тогаш да реши за кого сака да игра. Со оглед дека крвта не е вода, дека јас сопругата и неговиот брат сме родени во Македонија, дека ја сакаме својата земја тој донесе одлука да настапува за репрезентацијата на Македонија, мислам дека е тоа завршена работа.
Останува денес или утре да се постигне договор со Славковски, веруваме дека директорот на Агенцијата за спорт и млади Ивица Георгиевски успешно ќе ја заврши својата мисија во Милано бидејќи ваков фудбалски бисер, покрај Горан Пандев во нападот би бил голем адут за Среќко Катанец и неговата селекција.
Впрочем, да се надеваме дека Горан Славковски ќе го видиме во Скопје на 25 март за првпат во дресот на Македонија против младата селекција на Црна Гора, а потоа по три дена и против Албанија во Битола.
Преземено од Утрински Весник.
Inter Secure Young Swedish Starlet
The 17-year-old - who has starred for Sweden's junior teams - has been at Inter for a while, but the lack of a long term deal was beginning to attract interest from the likes of Manchester United.
However, the Nerazzurri have tied him down to a deal which will see him remain at the club until 2010.
"We are very happy," said his agent, Jozo Palac.
"The fact that they gave him a long-term contract proves they are sure of his qualities.
He is of Macedonian origin, and the tug of war with Sweden over wohm he will represent at the senior level has begun.
Ivica Georgievski, the Macedonian minister of sport, has spoken to the player and his agent already, in an attempt, to persuade the youngster to represent them.
"Goran will decide that himself when he turns 18 in April," he said.
"It's my duty as an agent to meet with these people, they have shown interest so I sit down and talk with them."
Преземено од
Goal.com