Селекторот Среќко Катанец влегува во битката за Горан Славковски. Најновата вест од канцеларијата на ФФМ е најавата дека за претстојниот квалификациски натпревар со Израел на "Градски" на списокот на нашата најдобра репрезентација ќе се најде и "чудото од дете" од Интер. Овој 18-годишен талент добива шанса за деби во нашиот најдобар национален тим откако многумина претходни од нашите помлади селекции не успеаја да ја добијат битката со еден од најдобрите млади таленти во Европа. Сега Катанец во обид да го убеди Славковски да си го одржи зборот од пред неколку месеци во Скопје и да го облече дресот на Македонија. Но сега тоа треба да биде оној на "А" репрезентацијата по што ќе нема враќање назад. Според правилата на ФИФА, секој фудбалер кој ќе одигра барем еден меч за најдобриот состав во иднина не може да ја менува репрезентацијата за која настапува. Тоа не е случај со помладите селекции каде Славковски одби да настапува, а посебно во селекцијата до 21 година на Мирсад Јонуз каде двапати поради "повреда" не се јави наповикот, и тоа за пријателските средби со Црна Гора и Бугарија.
ФФМ вчера со писмено известување до Интер дека Славковски добива повик од селекторот Среќко Катанец и дека на 26 мај тој ќе треба да се појави на прозивката во Охрид заедно со преостанатите фудбалери.
"За навремено средување на комплетната документација за доаѓањето на Славковски канцеларијата на селекторот Катанец денеска и официјално го извести Интер дека Славковски ќе треба да се приклучи на националниот тим на 26 мај во Охрид кога и официјално почнуваат подготовките на фудбалската репрезентација", стои во соопштението од ФФМ до јавноста по повод повикот на Славковски за деби во најсилниот тим на Македонија.
Можеби е чудно што Катанец дури сега ја кажува веста за Славковски. Можеби ќе беше најдобро кога ќе беше комплетен списокот со сите фудбалери за кој ќе се почека уште некој ден.
"Новиот Ибрахимовиќ", како што го нарекуваат Славковски, сега е пред уште поголем предизвик. Сега е времето кога мора да одлучи. Македонија или нешто друго. Повикот од Катанец и од најдобрата селекција и голем момент за секој фудбалер со што доколку се појави во Охрид, Славковски ќе докаже дека неговите зборови на средбата со премиерот Груевски не биле лага. Тој треба да ја зголеми конкуренцијата во нападот каде би играл во тандем со Пандев, но за еден ваков тандем потребно е време затоа што Наумовски, Ристиќ и Мазнов, а тука е и одличниот Стојков, не се за отпишување.
) pa premieri, ova ona dresovi neso u javnost 
lee:
