Горан Пандев

[Marlboro]

Pandev 1 stranec vo ovaa kolo

Pandev Lazio 7.36
Kaladze Milan 7.29
Mancini Roma 7.14
Taddei Roma 6.86
Amauri Chievo 6.50
Bresciano Parma 6.50
Luciano Chievo 6.50
Obinna Chievo 6.50
Obodo Udinese 6.50
Seedorf Milan 6.50
Behrami Lazio 6.43
Bogdani Siena 6.43
Barreto Udinese 6.42
Paredes Reggina 6.29
Suazo Cagliari 6.29

 

[маркетар]

Горан Пандев во евро тимот

Горан Пандев е првиот фудбалер од Македонија кој се најде во идеалниот состав на "Еуроспорт". Познатиот спортски ТВ канал вчера ги објави имињата на 11-те фудбалери кои го свртеа вниманието кон себе од сите европски лиги за изминатиот викенд. Пандев во саботата одигра маестрална партија за Лацио кога му даде два гола на Ливорно, а со тоа и нова победа на римјаните.

Пандев, според "Еуроспорт", во нападот е заедно со Лука Тони (Фиорентина) и Одемвинге (Гетафе). Средниот ред во идеалниот состав го сочинуваат: Серхио (Депортиво), Чаби Алонсо (Ливерпул) и Боа Морте (Фулам). Во одбраната изборот е паднат на Паулидо (Гетафе), Наваро (Севиља), Гери Кахил (Астон Вила). Голман на колото е Антонио Кименти (Каљари).

"Изненаден сум од овој избор со кој сум во идеалниот тим во Европа. Можно е денеска да бидам избран и за играч на колото во Италија откако и тука се најдов меѓу најдобрите 11", вели Пандев, кој во саботата го постина јубилејниот 10. гол во Серија А за оваа сезона.

 

[manijak]

Јуве пази се ПАНДЕВ доаѓа !!!

 

[маркетар]

Јуве пази се ПАНДЕВ доаѓа !!!

на асистенција на пандев роки постигна гол и лацио поведе со 0-1.
за жал поради црвениот картон на дабо еден од напаѓачите требаше да излезе од игра и делио роси се одлучи за пандев.

 

[маркетар]

Пандев во Фиорентина за Л.Ш!?

Слатки проблеми за Горан Пандев. Нашиот најдобар фудбалер во саботата уште еднаш му сервираше победа на Лацио со асистенцијата над Лече преку која тимот од "Олимпико" дојде до победа од 1:0 и до место во Купот на УЕФА. Серија А е во самиот финиш а со тоа се разгоруваат понудите до најдобрите фудбалери. Лацио е на удар за Пандев. По најавите од Вердер сега и останатите клубови во Италија јавно го кажуваат интересот за најдоброто од Македонија.

"Постојано добивам повици од новинарите во Италија кои прашуваат за сите информации кои стигнале до нив. Најновата вест поврзана со мене е интересот од Фиорентина. Има најави дека Удинезе ќе ги продаде оние 50% од мојата сопственост на 'виолетовите' кои од следната сезона ќе играат во Лигата на шампионите. Мене ми е добро во Лацио но....", изјавува Пандев кој има тешки дилеми кои ќе станат уште поголеми по крајот на шампионатот на Серија А.

"Ни самиот не знам каде ќе играм од следната сезона. Лацио, Вердер, Удинезе, Фиорентина...има и други варијанти. Ако јас одлучувам би заминал во клуб кој би играл во Лигата на шампионите. За Фиорентина има комбинации кои траат со месеци. Вердер исто така не се откажува. Лацио ќе игра во Купот на УЕФА и тука ми е добро но се зависи од финансиите. Сите понуди кои доаѓаат само ми ја качуваат цената. Можеби ќе биде најдобро да останам барем уште една сезона во Рим", ги кажува свите ставови струмичанецот кој во оваа сезона беше главниот столб во играта на Лацио кој иако е во финансиска криза успеа да стигне до 6. место и пласман во евро-куповите.

Најавите за трансферот на Пандев во Фиорентина се реални со оглед на тоа дека "виолетовите" летово планираат да го продадат најдоброт стрелец Лука Тони а како платежно средство за Пандев ќе биде отстапницата на Валери Божинов во Удинезе. Само да потсетиме дека како дел од трампа Пандев стигна во Лацио кога Интер во свите редови го донесе Дејан Станковиќ а клубот од Милано лани се откажа од струмичанецот кога го купи Пизаро од Удинезе со што оваа екипа доби 50% од сопственоста врз нашиот најдобар фудбалер.

Според договорот Пандев во јуни треба да се пресели во Удинезе и таму треба да остане до 2008 година но по сите понуди кои стигнаа тимот од Удине секогаш ќе остане во втор план.

"Желбата на Пандев е да остане во Лацио. Тој и клубот се обидуваат да најдат решение како ќе останат заедно и во следната сезона", е изјавата на Карло Палавичино, скаутот на нашиот репрезентативец за медиумите во Италија.

 

[маркетар]

Удинезе: "Ни треба Пандев, и никој друг..."

Шефот на стручниот штаб на Удинезе, Џовани Галеоне, веќе ги прави плановите за својот тим за следната сезона а како единствено засилување за "црно-белиот" состав го најавува нашиот најдобар фудбалер Горан Пандев.

"Ако Јакинта остане во Удинезе, тогаш потребен ни е само Пандев и никој друг... Доколку се договориме за Пандев тогаш нема да има никакви други промени во составот кој би бил доволно конкурентен за висок пласман во Калчото", вели за италијанските медиуми Галеоне притоа дополнувајќи: "Ќе создадеме тим од 18-19 квалитетни имиња плус три фудбалери од младинскиот тим. Инсистирам да го имам Пандев во мојот тим. За неговите квалитети знам уште од времето кога му бев тренер во Анкона."

Преговорите меѓу Лацио и Удинезе околу конечно дефинирање на сопственоста се во тек, а како што јавуваат медиумите од Апенинскиот полуостров разврската се очекува деновиве. И двата клуба поседуваат по 50% од договорот со македонскиот репрезентативец, а разговорите с$ поинтензивно во моментов течат во насока Пандев да се пресели во Удине.

"Едноставно тоа се разговори меѓу двата клуба. Неколкупати претходно изјавив дека мене ми е прекрасно во Лацио, меѓутоа, сепак, неизвесноста околу мојата фудбалска иднина останува да потрае најверојатно до крајот на следната недела. Ќе мора на крајот да се почитува договорот на клубовите", ни изјави Пандев, кој оваа сезона постигна извонредни 11 гола за "лацијалите".

 

[Гижо]

marketar се ме престигнуваш со сторииве

 

[Bale82]

Море најарно ќе му е да си замине во Германија или да си остане во Лацио оти ако замине во Фиорентина или пак во Удинезе ќе ја грее клупата и дали ќе има шанса и неја да ја грее оти овие италијаните покварени луге се.

 

[Macedonian]

Море најарно ќе му е да си замине во Германија или да си остане во Лацио оти ако замине во Фиорентина или пак во Удинезе ќе ја грее клупата и дали ќе има шанса и неја да ја грее оти овие италијаните покварени луге се.

Море нека остане во Лацио супер му е.
Иначе Бале 82 да не сум те прочитал и на хеттрик?

 

[Bale82]

Море нека остане во Лацио супер му е.
Иначе Бале 82 да не сум те прочитал и на хеттрик?

Aха FCpelister III.1 лига сеа имам некој проблем со тимот сакат да ми го блокират будалите за глупости

 

[маркетар]

Лацио плаќа 4.000.000 евра за Пандев

Голем е притисокот врз Лацио кој го прават навивачите но и повеќето фудбалери на оваа екипа кога станува збор за тоа каде во следната сезона ќе настапува Горан Пандев. Нашиот најдобар фудбалер според договорот во јуни ќе моа да се појави во Удинезе кој ќе го поседува струмичанецот до 2008 година. Тимот од "Фриули" притиска да го види во своите редови фудбалерот кој за Лацио постигна 11 голови и не сака трампа со фудбалери. Најновата вест вели дека Удинезе не ги сака Маури и Фирмани кои биле понудени за оние 50% од Пандев.

"Најново е тоа што Лацио ќе плати 4.000.000 евра на Удинезе. Со тие пари ќе ме откупи во целост но јас ќе треба да потпишам договор до 2010 година. Овие најави се доказ дека ова лето најверојатно ќе останам во Рим и ќе бидат одбиени сите понуди", е изјавата на нашиот најдобар фудбалер кој ја бранува италијаската јавност затоа што се крена многу врева околу тоа чиј дрес ќе го носо Пандев во следната сезона.

Според медиумите во Италија, Лацио е во криза и не може да си дозволи да плати сума од 4.000.000 евра. Клубот од "Олимпико" ќе позајмува пари само фудбалерот од Македонија да остане во Рим.

 

[darkobasket]

Covekot ke dogura daleku ako otide vo klub kade ke ja dobie zasluzenata sansa dade 13 gola kako rezerva na starecot di kanio so nemoze ni 5 minuti da istrca pa posle pcue po teren i drugi mu se krivi i vlaga pandev dava gol ili asistira i oprava situacija kako solsker sto gi vadese man utd na vremeto.Covekot e cver im pokaza proslata sezona na turm zambrota canavaro i bufon kako so dva driblinga gi sedna na zemja i im dade gol od skoro mrtov agol. :pehar: :sport1:

 

[pinturicchio]

Pandev vo Arsenal

Арсенал плаќа 12.000.000 евра за Пандев

*Лацио и Удинезе ќе поделат по 6.000.000 евра од парите за нашиот феномен.

*Пандев оди во Лондон како замена за Рејес, кој сака да се врати во Шпанија.
Сензационална вест од Рим која ја објави весникот "Ил Месаџеро". Арсенал е подготвен да плати 12.000.000 евра за Горан Пандев, фудбалерот на Лацио кој одигра извонредна сезона за тимот од "Олимпико" со што го сврте вниманието кон себе. Меѓу оние кои сакаат да го видат во своите редови е Арсен Венгер, тренерот на "топџиите" од Лондон, чии луѓе во последните 30 дена имале 3 состаноци со менаџерот на Пандев, но и со претставници на Лацио и Удинезе кои имаат по 50% сопственост врз најдобриот фудбалер на Македонија.

"Да, точни се најавите за понудата од Арсенал", беа потврдните зборови на Пандев, кој веќе неколку дена е на одмор во Струмица.

"Не знам како целата работа ја пробија новинарите. С$ беше во тајност а имаше и три состаноци на кои се дефинираа сите детали. Можеби најдобро за Лацио, но и за Удинезе е да заминам во трет клуб. Арсенал е тој кој барем засега нуди најдобра цифра", напоменува Пандев за "Македонски спорт" кој со трансферот во Лондон би направил бум.

Според најавите, Лацио и Удинезе ќе поделат по 6.000.000 евра од парите кои ќе ги плати Арсенал. И двата клуба се согласиле на оваа варијанта со оглед на тоа дека и Лацио, но и Удинезе беа упорни и посакуваа струмичанецот во следната сезона да игра за нив.

"Понудата стои, а ќе има уште неколку состаноци. За с$ е задолжен мојот менаџер кој редовно ме информира дури и за сите ситници околу разговорите кои се водат. Јас знам дека најблиските соработници на Арсен Вендер оваа пролет 3-4 пати беа да ги следат моите игри. Уште кога се зборуваше за мој трансфер во Вердер ви напоменав дека има разговори и со Арсенал и сето ова не е ништо ново. Јас реков дека во следната сезона сакам да играм за тим кој ќе настапува во Лигата на шампионите. Сите добро знаете кој е клубот од Лондон и кој е тој што би одбил една ваква понуда", дополнува Пандев, кој открива дека доколку Анри си заминеше од "Хајбери" тој веќе ќе ја имал промоцијата како нов член на Арсенал.

Сепак, нашиот репрезентативец во Лондон ќе оди како замена за Рејес, кој поради малата минутажа посакува да се врати во Шпанија. Според Пандев, расплетот околу преговорите со Арсенал ќе се знае до стартот на СП.

Дилемата околу новиот клуб на Пандев стана актуелна по неговите одлични игри за Лацио и постигнатите 11 голови со што почнаа да стигаат понуди од сите страни. Барем оваа пролет се открија имињата на Удинезе, Вердер, Фиорентина, но еве сега и Арсенал.

И. Д. Ивановски



Најскап македонски трансфер!?

Боли глава од цифрата 12.000.000 евра. Ако сето ова што се најавува даде плод Горан Пандев ќе стане најскапиот фудбалер од Македонија на сите времиња. Рекордери се Панчев, кој за 6.000.000 евра од Ц. Звезда замина во Интер (во тоа време рекорден трансфер), и заминувањето на Ќириќ во Тенис Борусија (5.500.000 евра). Тоа се нашите најголеми трансфери со тоа што Пандев има само 22 години и блескава иднина пред себе.

На мирување уште 3 недели

Горан Пандев не е во националниот тим за дуелите со Еквадор и Турција поради повреда. Тој има болки на препоните поради што не настапи за Лацио на последниот меч од Серија А.

"Докторот одлучи дека повредата може да се санира со одмор и без операција. Ќе морам да мирувам уште 3 недели иако посакував да бидам дел од репрезентацјата за претстојните тест средби", вели Пандев, кој се надева дека за многу брзо време ќе биде фит и во топ форма уште на 16 август кога ни претстои квалификацискиот меч со Естонија во Талин.

 

[Supreme06]

plakase 12 000 evra do preeska ama go kupi na rosicki i paga vo voda se

 

[Bale82]

Арсенал плаќа 12.000.000 евра за Пандев

.

Добро со цел памет мислите дека Арсенал ке плати толку многу пари... онака патриотски да гледаме посакуваме таков трансфер ама 12 М уффффф премногу е мислам ако го споредиме со 25 годишниот Роситски а него го платија само 6.8М фунти во превод некаде околу 9-10 М евра стварно нема смисол сето ова.