Во врска со љубовта: Сакам да кажам дека знам да бидам себична, егоцентрична, далечна и помпезна.Дека често заборавам да Ви кажам колку многу ве сакам, колку силно ми требате и дека без вашето присуство во мојот живот до сега ќе се распаднев на милион парчиња, дека не можам да замислам ден или свет во кој Вие не постоите, затоа што целиот мој дух и постоење се дефинирани од Вашите мисли, дела, идеи, потези, размисли и акции ... затоа што сте прекрасни по сите дефиниции.
При секој пад, секоја прекршена рака или солза знам дека ти мамо иако ќе викаш ќе бидеш тука, ќе ми го дадеш најдоброто решение кое што никогаш нема да ти кажам дека ќе го применам, кога не можев да се поднесам себе затоа што правев грешки од економски и суштествени размери, ти беше до мене и ја поднесуваше целата моја фрустрација со сила каква што е незамислива за жена која што има поминато се што ти имаш.Кога раскинував врски или не ја добивав вистинската оценка, кога влегував во проблеми од кои што не знаев како да излезам, ти тато беше тука без воопшто да се јавам и да те побарам, дури и да сум на крајот од светот, тебе знам дека секогаш ќе те имам.Јас сум најсреќната личност на која може да се налета, затоа што имам родители кои што не само што ме сакаат, туку и ме почитуваат, колку и да сум нестабилно насочена кон деструкција и хаос на се што имам и поседувам.
Кога некој ме повредувал, кога сум била тажна и депресивна, неспособна да се соочам со светот надвор од четирите ѕида на твојата соба, те имав тебе Боби, не ни може да се претпостави каква утеха е кога ќе ми кажеш јави се и јас се качувам во автобус и сум таму, дури и да си убила човек, братучед ми е едно чудесно суштество, кое што ме сака, патем, те сакам и јас тебе! И тебе и Стефан и Александра и Пандорчето ... како само ве сакам сите вас, Стефан ќе порасне во еден многу квалитетен човек, дадите веќе се, колку само се смешкам кога ќе се сетам дека Александра беше првата која што ме научи да правам макарони.И баба и дедо и цела моја фамилија, кога ве гледав вчера сите коцки се посложија и се стана кристално јасно ...
Викторија, адвокатот и Викторија, архитектот, двете чиста спротивност една на друга, а не ни сакам да го замислам текот на моите мисли без нив.Што се Викице помина ти со мене, 11 години од твојот живот и од мојот, каде бевме и каде сме сега, нема друга личност која што по избор ја сакам повеќе од тебе, треба да го знаеш тоа.Мици и Карко и Марија и Гоце ... да, знам дека сум луда, ама сум луда заедно со Вас, секогаш само со Вас.
Никој не ме заслужува повеќе од Вас и јас не заслужувам никој друг.Колку е пријатно утрото кога започнува со кафе и луѓе кои што вадат од тебе емоции и ментална стимулација, каде би била јас без вашите животи, во мојот кој што ќе биде празен ... а така не би била способна да преживеам.
Вие сте се што имам!
Цела мотивација за амбиција и живот ... Вие сте ... се, се, се што имам.И иако сум малку неартикулирана кон себе, кон Вас никогаш не би си дозволила да бидам!
Дефинирате љубов, мојата фамилија и моите пријатели!
*На Валентина и Тони, столбовите без кои до сега ќе бев мртва.ВЕ САКАМ!
