Со тој договор САД се обврзува да ја гарантира безбедноста на Македонија :wink:
Буш ни подготви специјален пакет
Остануваме ваши најголеми партнери. САД ќе продолжат да ја поддржуваат Македонија во сите процеси. Знаеме дека многу сработевте изминативе години. За нас сте веќе поканети.Со овие зборови на утеха и охрабрување, претседателот на САД, Џорџ Буш, им се обратил на претставниците на македонскиот државен врв - претседателот Бранко Црвенковски, премиерот Никола Груевски и министерот за надворешни работи Антонио Милошоски. На средбата, која траеше речиси цел час, присуствуваа и државниот секретар на САД, Кондолиза Рајс, нејзиниот заменик Даниел Фрид и американската амбасадорка во НАТО, Викторија Нуланд.Му ја пренесовме на американскиот претседател загриженоста што алијансата дозволи самоволие на една нејзина членка. Исто така, ја пренесовме големата разочараност кај македонските граѓани од фактот што не добиваме покана, иако ги исполнивме сите критериуми.
Тој рече дека САД се подготвени да ги гарантираат безбедноста и стабилноста на земјата - изјави за „Дневник“ извор во државниот врв.Според некои медиуми, САД и Македонија договориле овој специјален безбедносен пакет на билатерална основа да биде ставен на хартија како гаранција дека САД остануваат поддржувач на Македонија. Овие извори тврдат дека тоа ќе се случи во наредните две недели, кога министерот Милошовски патува во официјална посета на Вашингтон. Засега, потврдена е само посетата што треба да биде во функција на зацврстување на односите помеѓу двете земји, но не и потпишувањето конкретен билатерален документ.