Ја отворив темава пред 2ипол години, и од тогаш многу работи се изменија. Едноставно, немаме ние ниту еден квалитетен тим кој би можел да им парира на Олимпијакос, ПАО, Левски, Стеауа, Динамо, Партизан, Звезда, Хајдук итн. Ако мислите дека има таков тим, гадно се лажете... Во оваа лига пресудни ќе бидат парите (како и обично), и бидете сигурни дека доколку некогаш дојде до формирање на оваа Балканска Лига, никогаш нема да играат најдобрите екипи, туку оние кои ќе донесат најмногу профит и гледачи на истата. Со ова најдобрите мислев на тоа дека доколку се случи пример ОФК Београд да е шампион на Србија, а Ботев на Бугарија, бидете сигурни дека многу се мали шансите на нив да им се даде шанса, а притоа да се жртвуваат екипи како Партизан, Звезда, Левски и ЦСКА Софија само поради тоа што не освоиле првенство. Сепак, ова се мои теории и сфаќања кои не мора да бидат точни, нели?
Друг голем проблем е тоа што поради политички причини ќе биде многу тешко да се оддржи во живот таа лига... Едноставно, натпреварите од типот Звезда-Хајдук/Динамо, Партизан-Хајдук/Динамо, Сараево-Хајдук/Динамо/Партизан/Звезда, Партизан-Олимпијакос и многу други ќе бидат и повеќе од ризични за гледање.
Кој клуб од Македонија би учествувал во таа лига!? Еве да земеме еден пример:
Ренова - први на табела и во случај да станат шампиони мислите дека би парирале на некои од екипите што ги спомнав на почетокот на постот!? Можеби на младинските екипи на овие тимови... Ренова се први и делуваат супериорно, од проста причина што сите клубови во Прва Лига моментално се УТЕПАНИ, како финансиски така и играчки, а со самото тоа и 200-300 000 евра годишен буџет се доволни за да се направи "дрим-тим" кој ќе ги гази сегашните екипи на Вардар, Победа, Пелистер, Силекс итн. Мислите некој слушнал за Ренова низ Балканов!? Нормално дека не, а учеството на таков тим во една Балканска Лига нема на организаторот да му донесе никаков профит. За да не ме сфатите погрешно, не ми е целта Ренова да ги омаловажувам, бидејќи целиот наш фудбал моментално е за во 3та сомалиска лига-запад, а они се едни од ретките клубови чии газди имаат вишок неколку илјади евра. Потоа се поставува прашањето, која македонска екипа пристојно би наполнила цел стадион, како на домашен, така и на гостински терен!? Од самото ова произлегува прашањето, која македонска екипа има стадион кој барем малку ги задоволува стандардите!?
За учеството на македонска екипа во оваа лига има уште многу да се зборува, се надевам дека набрзо ќе се средат работите и во нашиот фудбал, па како прво ќе почнеме да им парираме на екипи од Исланд, Луксембург, Естонија и Ирска, а потоа ќе почнеме да размислуваме за Олимпијакос, Партизан, Динамо, Стеауа и други тимови со сличен квалитет, а моментално сме неколку милиони светлосни години далеку од нив :smir:
