Небесното тело Сајдинг спринг со пречник од 50 километри би можело да удри во Црвената планета и да предизвика вистинска катастрофа.
Кометата Ц/2013 А1, или популарно наречена Сајдинг спринг, се претпоставува дека ќе удри во Марс во октомври 2014-тата година, а овој удар претставува огромна опасност за планетата Земја.
Доколку Сајдинг спринг удри во Црвената планета, би се создал кратер 10 пати поголем од големината на кометата и таа би експлодирала со јачина од 20 милијарди мегатони. Ваквиот удар би предизвикал катаклизма на Земјата.
Според последните пресметки, кометата покрај Марс би требало да прелета на раздалеченост од околу 34.000 километри, но нејзината точна траекторија ќе биде позната дури за околу една година. Непредвидливата орбита на кометата лесно се менува како што небесното тело се приближува до сонцето, бидејќи заробените гасови поради топлината се претвораат во моќни гејзери, кои, како моторот кај ракетите, можат да ја пренасочат Сајдинг спринг од одредената траекторија.
Американскиот астроном Фил Плат тврди дека сударот на Сајдинг спринг со Марс би можел да предизвика удар 25 милиони пати појак од најјаката тестирана нуклеарна бомба на Земјата.
„Ако кометата Ц/2013 А1 удри во Марс, тоа би претставувало катаклизма не само за оваа планета, туку и за целиот Сончев систем. Опасност им се заканува и на природните сателити на Марс, Фобос и Деимос, кои од јачината на ударот би можеле да ја променат својата орбита. Кој знае како тоа би влијаело на Црвената планета или дури и на Земјата. Од јачината на ударот во вселената би одлетале помали делови, кои лесно би можеле да паднат на Земјата, а многу од нив би биле поголеми од последниот метеор кој падна во Русија“ – рекол Плат.
Тој напоменува и дека дури и кометата да го промаши Марс, би можеле поради микрометеоритите да изгубиме некои сонди и роботи кои се наоѓаат таму.
Сајдинг спринг е откриен на 3-ти јануари оваа година, а низ вселената се движи со брзина од 120.000 километри на час. Моментално се наоѓа близу до Јупитер, околу милијарда километри од сонцето.
.
)
Мислам дека си грешка.
