Natan 3.0
Bitch Божји
- Член од
- 17 февруари 2019
- Мислења
- 1.598
- Поени од реакции
- 5.065
Еден од неколкуте quest-ови што си ги поставив додека трае ова #СедиДома лудило (btw, одам и на работа јас, не седам само дома) е да ги изгледам сите филови кои освоиле Оскар за најдобар филм. И нормално, секогаш се почнува со оние најизвиканите, а негледани до сега. На пример, негледани ми беа епскиот Lawrence of Arabia, па култниот The Godfather 2, потоа Amadeus и т.н. И не знам дали до мене е, или хајпот имал контра-ефект, ама во поголем дел тие филмови ми се допаднаа, не велам не, ама не толку за да сметам дека се којзнае какви ремек-дела (со исклучок на Amadeus, ете, тој ме остави без здив, симнувам капа).
Е, ама има и такви филмови за кои претходно не бев слушнал речиси ништо. Тука никој не ги спомнал, не се некои ептен популарни наслови, ги нема во IMDB Top 250 и во други листи со најдобри филмови на сите времиња и сл. Е па баш таквите најмногу ми се допаднаа и најпозитивно ме изненадија.
Пред некоја година така ме изненади Terms of Endearment, освојувач на Оскар за најдобар филм за 1983. Кој не го гледал, ѕирнете го, гарантирам дека нема да зажалите. Така пред некој ден исто, филм за кој немав ништо слушнато претходно, Ordinary People, Оскаровец на Роберт Ретфорд од 1980 - многу ми се допадна. И сега, денес, барав што да гледам следно, и избрав, по случаен избор, зашто беше пократок од останатите симнати - In the Heat of the Night, освојувач на Оскар за најдобар филм во 1967. И немам зборови. Единствено што не ми се допадна е што беше прекраток и имаше пребрз расплет. Инаку -.
Сидни Поатје, инаку, главниот актер во In the Heat of the Night, и чинам, првиот црн актер со номинација за Оскар, растурил во 1967. Освен тука (одличен, BTW), глумел и во уште еденфилм кој истата година бил номиниран за најдобар филм, исто, главна улога, а заработил 0 номинации!
И уште кога сме кај trivia-та. Вчера го гледав и мјузиклот Oliver!, Оскаровец од 1968, и не ме воодушеви многу, иако пеењето и играњето беа топ. Ама главниот актер, детето што го глумеше Оливер Твист, го барав да видам кој е, што правел понатаму во животот. Се прославил како дете ѕвезда, глумел во многу филмови, и подоцна се откажал од актерската кариера. Денес е познат како кум на Мајкл Џексон и негов многу добар пријател кој по неговата смрт изјавил дека во деведесетите донирал сперма на барање на Мајкл Џексон и дека постои голема веројатност ќерката на Мајкл, Парис Џексон да е всушност негова ќерка.Тотално неупотреблив и непотребен податок беше ова, ама морав, само како илустрација со што се замарам кога имам вишок време.
На 60/92 изгледани Оскаровци сум. 65%. Ќе биде!
Ако е Амадеус right up your alley, можеби ќе те бендиса и Immortal Beloved (1994), за Бетовен, не е номиниран, но Гери Олдман го глуми и е стандардно брилијантен. Малку потежок од Амадеус, но мислам дека вреди да се изгледа. А можеби и веќе си го гледал.
