Иначе кога сме кај инвестиции, моите работат во фабрика за чевли која зависи од Италиајните и изгледа се спремаат да ја киднат, толку од животот кој го најавуваа...
Е ова е тоа што го реков претходно, за капиталот е многу лесно да мигрира од едно место на друго, посебно во едни вакви услови на глобални пазари и технологии кои што овозможуваат лесен транспорт на капиталот кон точките кои што обезбедуваат највисок профит за најнизок степен на влог. Ова посебно важи за трудовоинтензивните сектори, секторите во производство, каде што задачите на работникот во основа се сведуваат на репетитивни движења на производствена лента, работи кои што не бараат голем интелектуален труд, туку брзина и висок степен на квалитет по единица производ за чие производство на работникот му се наметнуваат нечовечки норми. На овој начин странските сопственици на фабриките се држат само до сегменти од принципите на total quality менаџментот, т.е ставаат најголем акцент на правилото: највисок квалитет добиен по најниска цена, и тоа е се' овозможемо преку нефункционалноста на институциите во спроведувањето на законите во сферата на заштита на работничките права.
Затоа и ваквите инвестиции ќе ја напуштаат државата и ќе бегаат во други земји од третиот свет, каде што ќе има работници подготвени да произведат повеќе за помалку плата, а на сметка на нивните работнички права.
Затоа и реков дека странските инвестиции имаат и ограничен рок на употреба, барем во овдешните услови. Додека стратегија за нивно привлекување ни се ниските плати, разно-разните ослободувања од давачки ќе ни се случува ова. Основа е домашното стопанство, развој на малите и средни претпријатија, создавање услови за формирање на сопствена економија. Креирање на стратегија за привлекување на СДИ која што ќе се заоснова врз креирање на компетитивни предности во сектори кои што ќе бидат поставени стратешки, поддржани со реформи во образованието и правниот систем, инвестиции во инфраструктурата, реструктуирање на јавната администрација, нејзина професионализација и.т.н.
И дури се ова да почне да се спроведува во пракса ќе треба време. Овие работи требаше одамна да ни бидат во прв план, но ние се занимаваме со тривијални работи кои што немаат врска со економија. Промена на имиња, двојазичности, избори секоја година, наследени проблеми и коруптивни скандали кои што се трупаат без разрешница... сите овие работи си го земаа својот данок. Имаме мизерен БДП кој што во иднина нема да има основ за да се зголемува, затоа што ни се случува иселенички егзодус кој што на краток рок ќе се одрази и врз економскиот раст. Зошто? Затоа што главнината од иселените ни се млади лица, голем дел и високообразовани со дефицитарни струки, се селат цели фамилии а инвестициите за лепење на жички нема да го сопрат тоа.
