7 на 6
-Игра со пикер кадешто најлесно се добива 7м.
-Полесно до шут од бек.
-Полесно до техничка грешка.
-Потешко се формира одбраната.
-Има потреба од голем ростер и исклучително кондиционо спремни играчи.
6 на 6
-Игра со крила.
-Повеќе простор за бековите кои може да продрат а не да шутнат од 9 -10м.
-Потешко се прават технички грешки а и да се направат има шанса голманот да одбрани.
-Полесно се формира одбрана напад брза транзиција полуконтра...
-Не е толку ризично да мора да менуваш толку многу играчи и не сите играчи се трошат.
Јас во голема мера со ова не се согласувам (обележав со црвено)
Игра 7 на 6 во однос на игра 6на6:
позитивно:
- повеќе простор за игра на пикер нормално дека има, 1 играч повеќе имаш од противникот и тоа баш на линијата од 6 метри - потешко е за бранење
- повеќе простор има и за крилата бидејќи за да се затворат 2та пикери мора да се згусни одбраната кон средината
- повеќе простор за шут од надворешни позиции за бековите (има автоматски повеќе опции за правење блок, помалку одбранбени играчи фокусирани на шутерите... само прашајте го Кире зошто му оди на ова првенство)
- Не само што не е поризично за технички грешки, туку е помалку ризично со оглед дека имаш опција плус за градење на акцијата и за додавање кога ќе згусни
негативно:
- потребни се поуниверзални играчи
- потребна е одлична физичка подготовка и широк ростер
- потребна е одлична менталната подготовка и максимална концентрација во секој момент на сите играчи и на голманот на клупата
- потребна е одлична уиграност, особено во транзицијата напад -> одбрана
- најверојатно е потешко за влезови заради помалку слободен простор, иако ова сеуште не е сигурно бидејќи додатниот играч освен што зафаќа простор е и плус опција за поставување на блок
Генерално 7на6 е добра тактика
за аутсајдери, екипи кои губат во текот на натпреварот, екипи со лимитирана атлетост, екипи со слаби голмани, екипи чии бекови се повеќе шутери и додавачи отколку пробивни техничари. Дополнително, добра е
против екипи со слаби голмани, екипи со многу јака транзиција (секако огромни шанси за примен гол има против овие после изгубени топки и да имаш голман).
6на6 затоа што е помалку ризична е подобра
за фаворити, за екипи кои имаат добра предност стекнато и треба само да ја задржат, за одлични атлети и пробивни бекови, за екипи со јаки голмани,
против екипи кои не се снаоѓаат во транзиција, против екипи со јаки голмани.
Од аспект на веројатност гледано, 7на6 според мене внесува поголема варијанса во натпреварите: поголеми шанси за изненадување, но и за разочарување. Со други зборови, "добриот" ден на 7на6 е подобар од "добриот" ден на 6на6, но и "лошиот ден" на 7на6 е полош од "лошиот ден" на 6на6.