Научниците од НАСА објавија шокантна вест дека на планетата Марс има живот, а како доказ приложија слика на која се забележува присуството на гас.
Научниците веруваат дека вонземски микроби живеат под површината на Марс и тие се одговорни за метанот кој го има на Црвената планета. Со помош на гигантски телескопи, НАСА дојде до нови заклучоци со кои се потврдува дека Земјата не е единствената планета на која има живот.
Некој од научниците изјавија дека метанот се произведува во процес на вулкански ерупции, но бидејќи на Марс нема активни вулкани, тврдењата на НАСА можат да се сфатат сериозно.
Експертите од Американската агенција за вселенски истражувања објаснуваат дека метанот е продукт на организми кои живеат во вода или под мразот. Организмите мора да се живи за да произведуваат метан, па со тоа се доаѓа до заклучок дека на Марс постои живот.
Британскиот вселенски експерт, Ник Поуп ги поздрави истражувањата на неговите колеги, нарекувајќи ги „најбитен доказ за постоење на живот на Марс“.
-Што може да биде позначајно од тоа да знаеш дека не си сам во огромниот универзум. Ние само ја гребнавме површината, кој знае што ќе откриеме доколку копаме подлабоко. Ако има живот на Црвената планета тоа значи дека сигурно има и на другите планети. Марс е многу сличен со Земјата, имаат иста големина, а и површината им е од камен. Сигурен сум дека таму некаде има вода, бидејќи метанот ни е како доказ, изјави Поуп.
Доказ дека во вселената има вода беше експедицијата на Марс, „Mars Expres“ кога во 2007 година со помош на вкопан радар се истражуваше површината на планетата.
