Тоа што Турција воспоставува дополнително воено присуство на границата со Сирија и што ги гранатира тоа не значи дека и планира да влезе. Сирија е земја во војна, од каде што илјадници бегалци секојдневно се слеваат во Турција, а и да не се заборави срушениот турски авион пред неколку месеци. Следејќи го овој настан, Турција го активираше Член 4 од Вашингтонскиот Договор од 1949, што е само еден чекор поблиску до активирањето на Член 5. На крајот на краиштата, тоа е турска територија и суверенитет, така да никој не може да ја ограничи Турција како да ги расподелува силите внатре во нејзината јурисдикција па дури и да влезе во Сирија како одбрана..
А инаку не сум сигурен за тоа дека Сирија би можела воено да направи нешто против Турција, особено не во оваа состојба , разрушена од граѓанска војна и во моменти кога на повидок е крајот на владеењето на Асад.Тие ни во нормални околности немаат никакви шанси против Турската Армија, тука мора да сме сите реални ,Дури и Сирија да е помоќна од Турција, никогаш не би се осмелиле да ја нападнат Турција. Зашто? Article 5 of the Washington Agreement of 1949, заедно со Article 51 of the UN Charter, ете затоа. Некои членки на НАТО радо чекаат добра причина за да влезат во Сирија, и не сум баш сигурен дека Асад би сакал да си го навлече тоа на себеси. Доколку Сирија реши да ја нападне Турција со модифицирани Скад ракети, тоа ќе биде Асадовиот крај, побрз дури и од оној на Гадафи.
Во врска со Курдите, сите четири земји каде што Курдите живеат (Турција, Сирија, Иран и Ирак) се плашат од создавањето на независен ''Курдистан'', кој може да се каже дека веќе постои de facto, но не и de jure. Тоа многу тешко ќе се одвива во врска со Турција, како земја-членка на НАТО и да кажеме, една од најмоќните регионални сили и важен партнер на Америка во овој дел од светот. Сирија е и онака во хаос, така да, тоа не би ме чудело. Иран е одамна гледан како Лошата Империја од Америка, така да, нит тоа не би ме зачудило. Не знам што би било со Ирак, не бар додека Ирак е сеуште 52 Американска Држава.
Очигледно е дека ''е решено'' режимот во Сирија да падне, исто како и оној во Либија пред една година. Единствениот одговор кој Сириските сили би го имале во овој момент е да го искористат хемиското оружје со кое што веќе некое време се закануваат. Како и да е, ако го искористат хемиското оружје врз Сириските бунтовници и цивили, повторно ќе им дадат причина на некој земји да го повторат Косовското сценарио од 1999, т. е хуманитарна интервенција, која што полека, но сигурно, станува дел од customary international law. Некои земји си имаат свои замисли за тоа како треба да се протолкува Член 2(4) од UN Charter.
