Депеша на Мартин Протоѓер - како против Бранко и Љубе?
Видео:
Текст:
Власта ќе го пресретнува растечкото незадоволство на граѓаните од економската криза, а ќе ги дискредитира враќањето на Црвенковски и новата партија на Бошкоски. Ова може да се заклучи од интерниот документ до кој дојде АЛФА, со кој ВМРО-ДПМНЕ отпочнува кампања со која ќе се обиде да ги популаризира политиките на владата, а на граѓаните ќе им сервира приказна за прогресот на државата. Депешата до сите фунционери, пратеници и претседатели на Комитетите на ВМРО-ДПМНЕ им ја испратил лично генералниот секретар на партијата, Мартин Протоѓер.
Во циркуларното писмо кое го доби АЛФА, насловено како Сценарио за спроведување на акцијата „ Средби со граѓани“ Протоѓер им сугерира на сопартијците што да мислат и на каков начин на членовите и симпатизерите да им ги објаснуваат проблемите со кој се соочува власта.
За економските проблеми според депешата на Протоѓер виновна е светската криза. Се инсистира да се прави компарација со држави кои се во подлабока криза од Македонија за да се покаже дека власта добро се справува со проблемот. ЕВН брка вмровци од работа, тоа е еден од аргументите со кои локалните вмровци ќе го бранат спорот со австријците, а за Сведмилк, дека владата неможе да стори ништо, освен да посредува. Во сценариото за средби со граѓаните што го пишувал Протуѓер на претставниците на ВМРО-ДПМНЕ им се препорачува да го критикуваат Уставниот Суд, затоа што за оваа партија, веронауката е насушна потреба за Македонија. Треба да се оправдаат спомениците и црквата на плоштадот.
Во 12 точки од депешата се зборува за реториката која треба да се употребува против Бранко Црвенковски и Љубе Бошкоски. За довчерашниот сопартиец вмровците треба да зборуваат дека е желен за доминација и власт, и оти ќе заврши како и сите што се ставиле над политиките на ВМРО-ДПМНЕ. За Црвенковски се инструираат да зборуваат дека требало сам да се повлече од политиката затоа што бил делегитимиран политичар кому граѓаните не му веруваат.
Во листата на најзначајни достигнувања и проекти за кои треба да се зборува се наведува дека функционерите на ВМРО треба да говорат оти во Македонија влегле милионски странски инвестиции, дека државата инвестирала огромни средства во образованието, дека ќе има ХПВ вакцини но оти плаќањето е одложено а незибежни се и регулаторната гилотина и проектите ТИМ Македонија и Топ Менаџмент. Интересно е дека за најгорливиот проблем - спорот со името на своите функционери Протуѓер им препорачува да се повикуваат на страна 146 од програмата Преродба во 100 чекори, проширена и надградена. Решението за спорот со името мора да оди на референдум се вели во циркуларното писмо во кое Мартин Протоѓер им објаснува на партиските функционери како на граѓаните да им ги толкуваат позициите на власта во спорот со Грција.
:tv:
Креирање политички клонови - модел 1,0.
Врв на софистицираната политичка машинерија за перење мозок.
На ова иновација би можел да и позавиди......чак и Ахмадинеџад.
