И ПОКРАЈ НАЈАВИТЕ ОД ДОКТОРСКИОТ ТИМ
Одложен кам-бекот на Роналдо
Навивачите на Милан ќе треба да почекаат уште извесно време за враќањето на фудбалските терени на Роналдо. Иако се најавуваше дека тоа ќе се случи веќе во недела кога на Сан Сиро гостува Емполи, последните прегледи покажаа дека Бразилецот, најверојатно, ќе треба да почека уште најмалку една недела. Сагата за Роналдо почна уште на стартот од подготовките на Милан на крајот од јули, а и покрај неколкуте обиди да биде завршена порано, трае речиси три месеци. Уште пред неколку недели клупските доктори го означија натпреварот против Емполи како краен рок за конечно заздравување, но еве сега и тој е пролонгиран.
"Тој е многу блиску до враќање и работиме на тоа со сите сили, но најверојатно нема да се случи на натпреварот со Емполи", изјави потпретседателот на Милан, Адриано Галијани.
Во последно време италијанските медиуми објавија дека иднината на Роналдо е во опасност и дека ако во најбрз можен рок не заздрави, раководството ќе тргне по напаѓачот на Палермо, Амаури.
"Направивме грешка во минатото и не би сакале да ја повториме. Блиску сум до враќање на теренот и мислам дека информациите што се пласираат во последно време не се точни", рече Роналдо.
(
