Алекс Фергусон го сака и Златан Ибрахимовиќ
Менаџерот на Манчестер Јунајтед Сер Алекс Фергусон, наводно е многу „загреан“ по Златан Ибрахимовиќ, кој ова лето може да се случи сепак да го напушти Интер
Или Ибрахимовиќ ќе остане во Интер или ќе замине за Манчестер. Тоа се единствените опции во неговата блиска иднина, напиша италијанскиот весник Кориере дело Спорт, кој повторно ја актуелизираше приказната за заминувањето на Ибрахимовиќ од Интер. На крајот од мината сезона Ибро самиот изјави дека сака да го напушти Интер, но Барса и Реал, тимовите кој беа најмногу загреани за Ибро, се откажаа од купувањето на најдобриот играч на Интер. Во меѓувреме Барсеона се заврте кон Давид Вила, а Реал го купи далеку поевтиниот Карим Бензема. Но во приказната се замеша Манчестер Јунајтед. На Сер Алекс Фергусон, со заминувањето на Кристијано и Тавез му се преполови составот и еднинствено што сега му остана се парите. Голема е дупката во неговиот напад и Јунајтед ова лето едноставно мора да донесе некое големо име за да ги задоволи навивачите.
Фергусон работи на донесувањето на Овен, но без сомнение, тој во соблекувалната повеќе би сакал да има еден Златан, иако медиумите во Англија напишаа дека Манчестер попрво би го донел Агуеро од Атлетико Мадрид.
Околу целата оваа приказна се уште не се огласил Мурињо, кој најверојатно ќе полуди доколку биде приморан да го продаде Златан. Тој на клубскиот газда, а и на самиот Ибрахимовиќ им кажал дека до 2-ри јули мора да го знае комплетниот кадар со кој ќе располага за да може да стартува со подготовките.
Па троши..
