Супер е човек да има објаснување за потеклото и причината за се ова. Овие две работи го прогањаат човештвото уште од самиот почеток (на луѓето, не на светот - многу важно за нотирање).
Затоа луѓето и се обидуваат да најдат одговор за тоа од кај сме и зошто сме тука.
Во минатото имало многу обиди да се даде одговор на овие две прашања. Сите религии се обидуваат баш со овие две. Секоја од нив смета дека го дала вистинскиот одговор.
Тоа и е проблемот со религиите. Секоја од нив смета дека го има конечниот одговор.
За жал, ниту една од нив не го издржала тестот на времето, па оние религии кои останале крути, замреле и биле заменети со „подинамични“ религии. Такви се Христијанството и Исламот. Тие, како институционализирани движења се прилагодуваат кон промените во општеството во кое се практикуваат/наметнуваат.
Затоа и постојат толку подправци, секти и варијанти на овие две и затоа и се најбрзорастечки во поглед на број на верници.
Овие две се религии, ама не се баш религии. И за едната и за другата има бројни примери на дотерување, редактирање и прилагодување кон современите текови. Или, претолкување.
Од пред некое време, се појави експерименталниот метод, како основа на современата наука. Убавината на науката не е во тоа што е докажлива или конечна, туку фактот што е отворена!!!!
Тоа значи дека науката никогаш не тврди дека е нешто ВИСТИНА и КОНЕЧНО!!!
Така, науката дозволува да се оди напред, да се откриваат нови феномени и нови погледи на она што ние го викаме СВЕТ.
Јас не викам дека науката го дава конечниот одговор на оние две прашања на почетокот на постов, НО сигурен сум дека ниту една религија од постојниве го нема вистинскиот одговор на истите две прашања - од каде и зошто сме тука.
Проблемот со религиите е што се сопнуваат на самиот почеток - ТВОРЕЦ НЕ' НАПРАВИЛ - но немоќни се да го ОБЈАСНАТ тој творец, со што пра-причината и пранамерата остануваат непознати.
Затоа, дечки и девојки верници, живеете во заблуда дека ги имате одговорите, иако ОЧИГЛЕДНО е дека ниту ви е јасна намерата на „творецот“, ниту ви се јасни причините кои го натерале да ве создаде.
Јас не викам дека мене ми се јасни овие две работи, но јас не ни тврдам дека ги имам одговорите. Јас викам дека постојано ги барам, знаејќи дека најверојатно нема да ги добијам јас самиот, НО со она што јас ќе го откријам во текот на мојот живот, ќе помогнам на идните луѓе да дојдат поблиску до барем еден од овие два одговори.
Строгите (буквални) верници, според мене, се лишуваат себе и човештвото од можноста да придонесат кон пронаоѓањето одговор на овие две прашања, од проста причина што сметаат дека веќе им се одговорени.
Мое мислење.
сам се ограничуваш...најмудар пост..и да според ајнштајн материја=енергија...ама творецот го нема таму
