Mislish za ovie CD-a:
ЗОШТО МАКЕДОНИЈА НЕ СТАНА ЧЛЕНКА НА НАТО СО БУГАРИЈА И РОМАНИЈА
Вилијам Коен, секретарот за одбрана на САД во времето на
Бил Клинтон, на 23 декември 1997 г. оствари посета на Италија, Босна и Македонија. Пред посетата, како што е обичај, кабинетот на Коен побарал анализа од подредените во Пентагон за тоа што се случува во Македонија и како може што побрзо да £ се даде помош на Македонија за нејзино зачленување во НАТО.
За потребите на мислењето од командата на Јужното крило на НАТО во Неапол било побарано офицерите кои требало да го придружуваат Коен во неговиот балкански дел од турнејата да се информираат што подобро за ситуацијата во Македонија. Секретарот за одбрана на САД, со увид во развојот на настаните околу Косово, имал став дека треба да £ се помогне на Македонија за дополнување на дефицитот во нејзиното армиско вооружување. Во кабинетот на Коен се говорело за воена помош и до 80 милиони долари.
До заминувањето на Коен на турнејата, во неговиот кабинет биле слеани многу информации за регионот и за Македонија. Она што изненадувало биле информациите за димензиите на развиената соработка на македонските власти со Белград во кршењето на ембаргото за извоз и увоз на оружје со Србија. Списоците на кршењето на ембаргото биле толку обемни, што инстанци во кабинетот на Коен наложиле зголемено следење на центрите што го дозволиле ова.
Како резултат на овие продлабочени анализи откриена е операцијата за набавка на автоматски пушки од Србија за потребите на македонската армија, по 700 германски марки по парче. Исто така, камиони натоварени со цевки за рачни фрлачи
зоља веќе биле на македонско-српската граница за извоз во Србија, а оттаму се товареле ракети за
зољи што требало да се извезат во Македонија.
Во ретроактивните анализи за тоа што точно е работено меѓу Скопје и Белград во сферата на кршењето на ембаргото бил откриен извозот на српска муниција, преку Македонија, за Тајланд, како и македонскиот извоз за Србија на систем за противвоздушна одбрана, набавен преку македонски компании блиски на македонското Министерство за одбрана, потоа резервни делови за авиони
МИГ-21 и
МИГ-29, резервни делови за хеликоптери, како и илјадници тони алуминиум за
гизли производ на
Тисен Есен, милиони каписли за куршум 7,62 мм, купишта друга воена опрема, експлозиви, рачни фрлачи, гориво за ракети...
Според информациите на Пентагон, ваквата воена српско-македонска соработка во тој период изнесувала повеќе од 200 милиони долари. Во тоа не влегувале обидите за набавка на опрема за прислушување, делови за радари и ракети воздух-воздух и земја-воздух, како и радари од најсовремена технологија. Желбите на Србија биле огромни, па со сигурност се знае дека, во екот на борбите во Босна, од Гевгелија биле увезени и реекспортирани за српска Босна неколку камиони радиостаници
Моторола, како и 300 пешадиски радари за откривање жива сила.
После сето ова, во Пентагон заклучиле дека тогашниот македонски министер за одбрана и тогашниот наш премиер, како и министерот за финансии и шефот на тогашната ДБК, се главната логистичка поддршка за вооружување на воинствените намери на Србија.
По ваквите сознанија, Коен на разговорите со македонската страна ја изоставил понудата за доопремување на АРМ, а Пентагон ја ставил македонската влада на "црвено" во тековната и идна политичко-воена соработка. Посетата на Коен во декември 1997 г. била "дипломатски" возвратна на гостувањето на
Благој Ханџиски на Вашингтон на 18 април истата година. Кога министерот за одбрана
Лазар Китановски, пак, на 7 април 1998 г. го посетил Пентагон и енергично ги лобирал
Строб Талбот и
Френклин Крамер САД да го изнајмат Криволак како нивен воен полигон во регионот, американскиот одговор бил студен и воздржан, воден од информациите за македонското кршење на ембаргото со Србија за оружје и воена опрема. Американски извори тврдат дека во тоа треба да се бараат и главните причини зошто НАТО избегна да ја покани Македонија, во групата со Романија и Бугарија, да £ се придружи на најмоќната воена алијанса во светот.
http://magazin.forum.com.mk/Desktop...&tabid=172&ArticleID=2550&EditionID=84&Page=1
lee:
