НАЦИОНАЛНО ДОСТОИНСТВО НЕ СЕ БРАНИ СО ГАФ-ПРОТЕСТИ !
Државава посоодветно ќе постапеше ако на камионџиите кои метеле на границата им ги одземеше патните исправи. Ако сакаат да метат не им треба толку далеку да патуваат, можат и дома тоа да го прават. Убеден сум ако одбиеле да го изметат граничниот премин, и беа задржани за тоа на грчка страна, компромитацијата на грчката позиција ќе беше поголема. Националното достоинство не се брани со театар, туку со целосен реципроцитет во односите со другите држави. На пример како одговор на оваа провокација можеше да се изолира во дипломатски рамки функционирањето на грчката амбасадорка, а што направивме ние, на средбата која ја имаше Милошоски со акредитираните дипломати во Македонија а во врска со прегласувањето на 15 јуни, меѓу амбасадорите на САД, Англија, Франција беше поканета и грчката амбасадорка ?! Зашто ??? Па затоа и ни се случуваат вакви нешта затоа што ние сме класичен случај на потенцијална жртва ( потенцијалните жртви во науката се третираат како провокатори кои самите се доведуваат во позиција на жртва).
Навистина трагикомично, еднаш им го изметовме граничниот премин, па демек не налутија, па сега и од пред влезот на амбасадата им го очистивме ѓубрето ?! Мислам фер е што амбасадорката не ја примила златната метла зашто очигледно таа му припаѓа заслужено на генијот што го смислил овој гаф-протест.