Игњовски е новата желба на Јонуз
*"Ќе се обидеме овој играч да настапи за нашиот национален тим веќе на следниот тест меч во мај...", коментира селекторот на "црвено-жолтите"
Играчот за врска Александар Игњоски, кој ги брани боите на германскиот второлигаш Минхен 1860, е следната желба на селекторот Мирсад Јонуз. Предводникот на нашиот национален тим вчера јавно објави дека е во контакт со фудбалерот и неговите менаџери и дека големи се шансите овој млад фудбалер да се одлучи да настапува за Македонија.
"Постојат големи шанси да го видиме Игњовски во нашиот национален тим веќе на следниот тест меч во мај. Станува збор за млад и квалитетен фудбалер кој игра во средината од теренот. Тоа се позициите каде ни е најпотребна поголема конкуренција", истакна Јонуз околу веста дека фудбалерот со македонско потекло би можел да настапи во црвено-жолтиот дрес.
Игњовски е фудбалер кој има 19 години и кој порано беше дел од тимот на ОФК Београд. Станува збор за голем талент кој е роден во Јабука каде 80% од жителите се од Македонија. И во минатото овој талент го поврзуваа со нашиот национален тим, но во тоа време тој настапуваше за селекциите на Србија до 17 и 19 години. Според правилата на ФИФА, овој играч има право да ја смени репрезентацијата, но доколку одигра барем еден меч за сениорите на Македонија тој во иднина ќе нема право да & се врати на Србија.
Покрај Игњовски се води и процедурата за настап во нашот дрес на Марио Ѓуровски од Војводина, а на средбата со Црна Гора пред неколку дена за репрезентацијата дебитираше Александар Тодоровски од Рад. Фудбалери со наше потекло од Србија веќе со децении играат за нашиот најдобар состав, но има и такви кои беа натурализирани како Љубо Милошевиќ, Стевица Ристиќ... Оние кои се на "ски" а кои веќе имаат минато во нашиот национален тим се: Виктор Треневски, Драган Чадиковски, Владе Лазаревски, Александар Лазевски...
Би било добро од нашиот национален тим да го фрлат погледот и по другите земји каде има наши екстра таленти, а најголем извор е Австралија каде сега во тренд се Бен Кантаровски, Наум Секулоски и Благоја "Били" Целески.
И. Д. Ивановски
НАЦИОНАЛНИОТ ТИМ ВО ОПАСНОСТ
Страв од ждрепката во Тел Авив
Што ако немаме среќа при ждрепката во Тел Авив каде ќе се прави календарот во нашата "В", квалификациска група за пласман на ЕП 2012? Што ако судбината сака во септември да бидеме двапати домаќини? Немаме стадион и нема да играме во Македонија. Затоа постои страв во ФФМ, националниот тим е ставен под голем ризик. Сега се бара среќата, ждрепката да не ни донесе лош распоред. Изградбата со нашиот најголем стадион доцни и до крајот на годинава на "Филип 2" нема да се играат натпревари под рефлектори. Новите правила на УЕФА се јасни. Средби во клвалификациите ќе се играт само по 18.00 часот.
ФФМ НЕ ГО МЕНУВА КУРСОТ
Ново "фалш" собрание!
Во хотелот "Истатов" одржано ново сомнително и спорно Собрание на ОФС Гевгелија. Благој Истатов доби амин од ФФМ иако на неговата "дружба" во Нов Дојран не дојдоа луѓе од водечките клуба од овој ОФС како што се Миравци, Кожуф и Вардарски. Спорната машинерија се докажа со кревање на рацете пред "високите" гости од ФФМ како Игор Климпер, Илија Јовков и неизбежниот "дневичар" Миле Спиркоски. И потоа некој ќе каже дека нема фудбал никој не дава пари. Па и нема да дават кога вакви луѓе со вакви скандалозни собранија носат одлуки за фудбалот. На потег се Кожуф, Миравци и Вардарски. Ако немаат право на глас нека се откажат. Зарем вреди да се игра фудбал за платениците на Хаџи-Ристески.
Znae nekoj kako stojat rabotite i so kogo stvarno ke igrame? Bugarija ili Azerbejdzan? Ja se nadevam da e grska toa na fifa informacijata i deka protiv Bugarija ke igrame posto toa bi bil daleku poatraktiven natprevar, a i podobar trening ke bide da znaeme kako stoime. Ako nisto drugo Bugarite (isto ko i Crnogorcite) bea vo grupa so Irska, pa barem vo sporedba so nasite rezultati so niv, i rezultatite Irska so gi napraila protiv Crna Gora i Bugarija ke imame kolku tolku pretstava so moze da ocekuvame protiv Ircite... A vaka so Azerbejdzan samo kolku da se izraduvame na eventualna pobeda i tolku...
