ManUtdChampions
Lleyton Hewitt
- Член од
- 5 февруари 2009
- Мислења
- 32.720
- Поени од реакции
- 43.768
PREMIER LEAGUE 2024/25
Ќе почнеме со шампионите - Манчестер Сити. Гвардиола откако ја "сврте играта" и стана првиот менаџер што ја освоил ПЛ четири пати по ред, својот поход кон петтата последователна титула го започнува со скоро истиот состав. Единствено позвучно име кое замина (барем досега) е напаѓачот Хулијан Алварез, кој сепак беше продаден за клубски рекордна трансфер сума. Од друга страна се засилија само со Сави(њ)о, па мислам дека можеме да очекуваме да ги реинвестираат парите од Алварез, бидејќи имаат неколку ветерани во тимот на кои треба да им се бара замена.
Главен ривал на Сити од претходните две сезони беше Арсенал. Топџиите исто така потпишаа само едно засилување до овој момент, што искрено малку ме изненадува. Мислев дека ќе стегнат една трансфер бомба, како еден вид на завршен чекор, што им фали веќе 20+ години во обидот да ја освојат Премиер Лигата. Сепак, Микел Артета пред некоја недела ангажирал професионални "џебџии" на некоја тимска вечера, кои неприметно им краделе телефони, клучеви и новчаници на фудбалерите. Лекцијата била дека треба да се свесни што се случува околу нив во секој момент, па после овој маестрален потег на тренерот на Арсенал, се очекува неговите играчи без никаков проблем да измаршираат до титулата.
Ливерпул влегува во сезона без Јирген Клоп за прв пат после 7-8 години, па самото тоа носи многу прашалници околу нивниот евентуален пласман 9 месеци од сега. Неговиот заменик Арне Слот наследува состав на кој дефинитивно му треба засилувања, но по малку загрижувачки за фановите, нивниот клуб не успеа да реализира ниту еден трансфер пред стартот на сезоната. Мохамед Салах се врати од летниот одмор со нова фризура, што најверојанто е и најголемата промена на Енфлид во овие 2-3 месеци.
Челзи ја заврши претходната сезона во одлична форма, но раководството одлучи да го замени Покетино со Енцо Мареска и на некој начин пак да почне од нула оваа сезона. Дали одлуката им беше паметна ќе видиме во преиодот што следува, меѓутоа Тод Боели и компанија и ова лето продолжуваат во нивен стил, па повторно сме сведоци на еден куп трансфери на и надвор од Стемфорд Бриџ. Боели во неговиот квест да го освои Суепер Боулот на Англија веќе има потрошено над 1.3 милјарди евра, а човекот бил толку импресиониран од фактот дека во сокерот има голман, што во составот на Челзи моментално се наоѓаат дури шест чувари на мрежата. Дали знае дека само еден може да биде на терен, сеуште не сме сигурни.
Манчестер Јунајтед вчера ги комплетираше трансферите на Де Лихт и Мазрауи од Баерн Минхен, а со ова Ерик тен Хаг јасно покажува кои му се намерите за периодот што следува. Холандскиот стратег е решен да го претвори Јунајтед во ФК Ајакс, па така дуото од Баерн се надоврзува на Онана, Ентони, Лисандро Мартинез и Ериксен како екс играчи на Ајакс во неговиот моментален тим. Следен на листата е Френки де Јонг, а веќе се шпекулира дека Тен Хаг преговара со новото раководство на Јунајтед да се намести статуа на Јохан Кројф пред Олд Трафорд, додека стадионот кој што е планиран да се изгради во наредните 5-6 години да го носи името Амстердам Арена.
Тотенхем е Тотенхем, нема многу што да се каже околу нив. Единствена дилема е дали Енџ Постекоглу ќе остане доследен на својот фудбал, па "што биде нека биде" или кокошките ќе се обидат бар да фатат место во ЛШ за наредната сезона.
Вреди да се споменат и Астон Вила и Њукасл. Вила, предводена од шпанскиот шмекер Унаи Емери, ќе настапи и во Лигата на Шампионите, за прв пат после сезоната 1982/83, кога биле бранители на титулата. Не очекувам многу од нив сепак, со оглед на тоа што ќе имаат повеќе утакмици годинава, а секако немаат доволно голем ростер за две тешки натпреварувања. Слични на нив лани беа Њукасл, кои после одличната 2022/23 и пласманот во ЛШ, имаа проблем да одржат чекор со подобрите екипи, па на крај едвај завршија на седмата позиција. Њукасл сепак сеуште е без некое значајно засилување, а Еди Хауи се споменува како еден од главните кандидати за нов слектор на репрезентацијата на Англија, па ова остава прашалници околу очекувата од нив за претстојната сезона.
Повратници во Премиер Лигата се Лестер Сити, Ипсвич Таун и Саутемптон, а тим на кој треба да се обрне внимание е Вест Хем. Чеканите го заменија Дејвид Мојс со Жулијан Лопетеги и потпишаа над 10 играчи, со што значително се засилија во пресрет на стартот на сезоната.
Последно уредено:
