Ѕвезда на тапет (Вес Андерсон)

[Сабазиј]

Секако е една од најпознатите светски фаци. Има некоја специфична, ретка убавина. Знае да глуми, не дека не знае, но стана светски популарна со филмови во кои и не треба нешто многу да се труди во тој поглед. Можеби е малку преценета, но има талент. Мислам дека тој уште повеќе ќе дојде до израз нешто подоцна, кога ќе стане позрела, во зависност од расположението на Холивуд кој не гледа со наклонетост кон актерки во поодмината возраст. Сметам дека не ја бива за режирање. Можеби и за тоа и треба време и учење, којзнае.
Што се однесува до хуманоста, не би знаел што да кажам. Веројатно прави добри работи, кои другите ѕвезди ги прават помалку. Тоа не би требало да има некоја врска со нејзините актерски способности. Марлон Брандо не се прославил со посвојување деца, и далеку од тоа дека бил злато од човек.
Генерално, и за Џоли и за другите познати што се или сакаат да бидат хумани (се разбира, зборувам резервирано затоа што ни ги знам ни ги познавам и немам појма, како и најголемиот број од луѓето, какви се навистина популарните фаци) сум многу воздржан. За многумина од нив тоа е составен дел од работата, каприц и сл. Некој „случајно“ пушта во промет домашни порничи, друг јавно се бламира, трет е хуманитарец. Предизвик е и едно дете да има човек со нивната работа, а не пак шест (6). Ама што е тоа е, да не судам прерано. И за евентуален хејт има време.

 

[vone]

Секако е една од најпознатите светски фаци. Има некоја специфична, ретка убавина. ...............

Ова беше точно пред да ја фати анорексичноста... сега е скелет на кој како на закачалка и виси кожата, во случај на ветер треба сидро со себе да си носи... штета, се упропасти скроз наскроз.

кога ќе стане позрела

родена е 1975 година... 37 години...

 

[Сабазиј]

Ова беше точно пред да ја фати анорексичноста... сега е скелет на кој како на закачалка и виси кожата, во случај на ветер треба сидро со себе да си носи... штета, се упропасти скроз наскроз.

Тогаш треба некој во Седмица да ја однесе додека е време и да ја извади од таму... додека е време

родена е 1975 година... 37 години...

Некои едноставно подоцна созреваат Да `и дадеме уште една деценија?

 

[Io Sono Interista]

Анѓа е ОК. Нема некои супер филмови за фалење, просечни горе-долу, со исклучоци како Changeling кој е високо над просекот и Salt кој е „у тиквите“. Прв пат ја гледав во Хакерите а прв пат ми остави добар впечаток во Original Sin, веројатно поради жешките сцени Не е мој тип на холивудска актерка и покрај убавината што ја поседува. Сега е во години кога треба да бара добри, сериозни улоги со кои би ја подигнала репутацијата, а не да скока по камиони и коли на среде автопат. Да батали тоа режијата пошто не е за неа, или да се подобри многу, ама брзо. Фино е што се занимава со хуманитарна работа, кога ќе погледнеш има грст актери и музичари кои го прават тоа. Сепак, можат тие многу повеќе ако сакаат.

Така да, се на се, немам нешто против Анѓа, ок си е жената.

 

[wot]

На исти ден сме родени. Нека ти е среќен Анѓо!
So.. you scratch my back, I scratch yours?

The funny thing is that my back is located on my cock.

 

[RocknRolaa]

Енџи наполни 37 ца еј. Среќен нека е.

 

[Io Sono Interista]

На исти ден сме родени. Нека ти е среќен Анѓо!
So.. you scratch my back, I scratch yours?

The funny thing is that my back is located on my cock.

Скру Енџи, среќен роденден!

 

[Кајсиичка]

Анџелина е еден прекрасен вонземјанин, со невидена убавина, опасен поглед, зрачи со мистерија и има непредвидливо однесување
Ми се допаѓа нејзината глума, и во некој филм посакувам да ја видам онака убаво да се изнасмее...секогаш ја покажува само својата насмевка, но не и својата смеа.

 

[Vlatko_Gjorce]

Енџи наполни 37 ца еј. Среќен нека е.

Ехее колку закасни со честитките, не знаеш(е) кога и' е роденден, срамота

 

[Дивајн]

Ех Џоли... женава нема врска колку и дали е преценета или потценета, кога дефинитивно е меѓу најславните актери на светов, а тоа веројатно исто така си има своја тежина. Јас сум меѓу тие кои мислат дека тоа повеќе го има постигнато со нејзината убавина, отколку со професијата. Сега и уште повеќе да ослаби и да огрди џабе е... секако нема уште многу нешта што би можела да посака од светов, па сигурно е доста задоволна.
Тоа што е хуманитарец и јас и го ценам, без оглед дали истото го прави за слава или затоа што таа лично сака да помага. Во секој случај помага, па би било добро кога би имала повеќе колеги кои ќе ја следат. А паѓам, секогаш паѓам на сликите од тие моменти. Многу повеќе од фотошопираните фотосесии или нејзиното скоцкано појавување во лесните филмчиња. Со тоа не мислам на сите нејзини остварувања. Има и такви кои ми оставиле добар впечаток. Пример, во Alexander ми го одзема целото внимание, во Taking lives паметам дека ми глумеше одлично, а во The bone collector ја сакам најмногу. Кога ќе размислам, сепак до филмовите е, а не до неа. Значи дефинитивно мора да почне да избира пореални филмови со подобри улоги и подобри колеги.
Се` на се` - не е лоша. Грев е да се каже поинаку.

 

[Psyside]

Има и такви кои ми оставиле добар впечаток. Пример, во Alexander ми го одзема целото внимание, во Taking lives паметам дека ми глумеше одлично, а во The bone collector ја сакам најмногу.

Oдлична селекција

 

[RocknRolaa]

Ајде време е за ново дете. Одамна сме немале режисер, затоа воала:

Дејвид Финчер

Еден од оние режисери кој во портфолио има минимум два филма за кои човек може да каже дека се култни. За едниот мислам сите ќе се согласиме ( фајкла, фајкла,фајкла...), за другиот може да дискутираме.

Финчер не е познат само кака режисер на филмови, туку и на спотови.
Има импресивна низа од одлично направени филмови, ама последниве години во Холивуд викаат дека го изгубил осетот за добар филм. Мислам дека има и доста фанови кои се согласуваат со таа констатација.

Никогаш не добил Оскар, па според многумина вистински грев ќе беше ако добиеше Оскар за филмови како Бенџамин Батон или оној за Фејсбук, а зад себе има плејада филмови заради кои ја заслужил статуетката ( Seven, The Game, Fight Club).

Што мислите го изгуби ли Финчер чувството за добар филм и секако кои се вашите фаворити од она што го има сработено?

 

[Io Sono Interista]

Кој беше што викаше: Финчер што го сними Фајкла и Финчер што го сними Соушл Нетворк, не се познаваат

Вториот е Se7en се разбира.

 

[џимеј]

Кој беше што викаше: Финчер што го сними Фајкла и Финчер што го сними Соушл Нетворк, не се познаваат

Вториот е Se7en се разбира.

Јас го кажав тоа.
Дејвид Финчер... далеку ми е од топ 5 режисер, не ми е ни во топ 10... Има неколку култни филма за кои му симнува капа.
Покрај wotкла и Се7ен, мислам дека The Game е еден од оние култни трилери кои колку и да ги гледаш не здосадуваат и се актуелни дури и денес.

И горе-долу тие три филма на Финчер многу ми се свиѓаат. Подолу од нив можам да го ставам Зодијак затоа што во моментот кога го гледав знам дека ми се свиѓаше, ама уште еднаш не сум го гледал ете.
Во врска со "новата ера" творештво на човеков, филмовите Бенџамин Батон и Социјалната мрежа не ми се свиѓаа. Особено вториов. Последниот половина час со стоење го гледав од што беше досаден.
Слично се деси и со Бенџамин Батон. Единствено нешто во тоа беше оригиналното сценарио кое мислев дека ќе биде добро реализирано и за мој вкус траеше премногу долго. Не ме остави фасциниран неговата реализација и многуте референци и споредби со Форест Гамп, па некако ми се створи одбивност кон филмов. Се кладам дека никој на форумов не го има гледано повеќе од еднаш. Едноставно не е таков филм... Не може да биде. А за да го вметнам во 5, 10, 20 омилени режисери еден од главните предуслови ми е неговите филмови да ми бидат гледливи повеќе пати, не само еднаш.
Во случај за првите три е така, ама од филмови кои се направени стрикно за да влезат во конкуренција за оскар... шта речи.

п.с. Девојката со тетоважа на змеј уште не сум го гледал.

 

[Io Sono Interista]

Сошл е ОК филм, да не беше од Финчер. За Бенџамин Батон се изјаснив одамна.