Пак се покажав како лош прогнозер, како и обично.
Очекував повеќе од Нант, посебно од Тоурна кој не се виде денес, се изгуби другарчето, страшно беше чуван, за разлика од вчера кога се изнаигра, денес многу тешко доаѓаше до позиција за топка, а и тоа што го шутна го промаши, се му скина Жерар, истото се однесува за првиот стрелец на Монпеље Порте, се изнапромаши на почеток на прво, потоа не ни шутираше, Тракиневичиус исто, само 1 гол од двата најјаки шутери, затоа што тежиштето на игра го префрлија на линијата, денес Монпеље даде дури 11 гола преку двата пикери + головите на Симоне и Гигу кои се уфрлаа на линијата, неверојатни бројки.
Страшно нешто се овие големи екипи, толку се непредвидливи што не знаеш од каде ќе те нападнат, страшно темпо форсираат посебно кога ќе ти ги најдат слабостите.
Тоа е тој модерен ракомет, страшно темпо се форсира, доколку немаш барем 12,13 максимално подготвени играчи кои во секој момент ќе одговарат на секоја можна одбрана-напад не можеш да се надеваш на нешто повеќе, кога тогаш ќе те сомелат, Нант изигра коректен меч, на моменти и беа подобри, но едноставно не можеа никако да ја најдат вистинската игра, без Тоурна, без Клер, Ниокас само на почеток се разигра, потоа го снема, можеби требаше да продолжи Анти со Ли Хансен, доста добро делуваше нападот тие 10 ина минути, 3 гола даде, доста простор отвори, доста изротира Анти, имаше и повеќе опции во напад од Канаје но се беше џабе, немаа идеја како да ја решат таа агресивна и пред се многу подвижна одбрана на Монпеље, немаа начин како да ја рашират зоната, а кога немаш бекап од пикерот како шо имаа вчера не е ни чудо шо еден куп топки изгубија, посебно последните 10 минути им се случи потоп, ги отепа Монпеље, 8-3 серија ( додуша последниот гол на Нант беше даден колку да го заеби некој шо чекаше -58.5 гола)
..
Не е случајно ова, години наназад вложува голема пара Монпеље, под голема мислам за наши услови, за Франција 8 милиони евра годишно не се којзнае што, со оглед на тоа колку е подобрена лигата, посебно што треба со тие пари да парираат на Арапските милиони.
8 милиони евра на Балканот и 8 милиони евра буџет во Франција и Германија не е исто, ако се исти суми, во Франција и Германија нема со доверителите
АБЕ ЧЕКАЈТЕ, ЌЕ ВИ ПЛАТИМЕ, И НАС НИ БОРЧАТ ДРУГИТЕ или со играчите разно-разни шеми со плати, избегнување на обврски за плаќање придонеси, или некои други шеми, програми субвенции, и слично,
таму нема ништо оставено на случајноста, на 1 ви доаѓа платата, по договор се од А до Ш, се оди тековно, затоа се таму каде што се....
Да се вратам на муабетот, забегав
Сосема заслужено на крај Монпеље, од лузерски групи, преку баражи, па преку Барса, па го раскантаа еден Фленсбург, и тоа како го демолираа, на крај најмногу мака видоа со Вардар кој според мене доста потценувачки влезе во дуелот со нив, да влезеа со малку повеќе респект кон името на Монпеље и пред се тежината на клубот можеби сега Вардар ќе беше пак шампион, но шо би било кога би било, заслужено е таму каде што е Монпеље, со еден таков тренер како Канаје не е ништо спонтано, и тоа со доста играчи за кои до пролетва ретко кој слушнал, Махмут, Соуси, Тракиневичиус, па и Ричардсон влезе сезонава како недокажан играч, ова се играчи кои дадоа страшен удел во сезоната на Монпеље, штета само шо не ја зедоа титулата во Франција, апсолутно ја заслужија, но со овој пехар наплаќаат за се, секоја чест.
Нант екипа у успону, за многу брзо од лузерски група за само една сезона меѓу елитата стигнаа на Ф4, наредна сезона ќе бидат посилни за Валеро Ривера, ќе видиме и кој друг, во секој случај мора сериозно да се смета на оваа екипа, веќе влезени се во групата на гиганти, и како и да не се, со еден таков проект зад себе.
Вардар на крај може најмногу да жали, имаа можеби најуиграна екипа, да не се повторувам, наредна сезона видеќемо, прерано е да се даваат коментари се додека не се види на терен како ќе изгледа сето тоа.
ПСЖ, најголем лузер, па уште си носеле специјално шампањско, е па вратете си го сеа назад, за титулата во Франција.
ПСЖ е екипа во која се фрлени можеби 100 милиони евра овие 7 сезони, шо за ракомет се неверојатни бројки, џабе звезди, џабе се, кога екипата се гради од темел, без тренер џабе е.
Ќе видиме наредна сезона со Раул, како ќе делува сето ова, Жерар на гол, ќе има некои измени, како Тофт на пикер на местото на Јенсен, но горе долу пак е истата екипа, само различен тренер, ќе видиме дали е до тренерот....
Малку и за наредна сезона.
Кил, Барса треба да се вратат, посебно Кил.( ако се пласира нормално, како тргнале не знам, ако направи некој преседан ЕХФ)
Фленсбург и РНЛ се сериозни играчи, исто и Фуксе Берлин, но немаат таква сила да играат на два фронта, премногу ги исцрпува Бундеслигата, посебно кога водат мртва трка за титула, доказ шо се случи со РНЛ, издишаа на крај, лимитиран ростер, ги фати криза и ја фрлија сезоната...
Киелце спрема страшна екипа, на нив мора сериозно да се смета.
Веспрем, ќе видиме како ќе делуваат со Мае, Штрлек Глодарот, сигурно нема да се толку слаби како сезонава.
Поголема конкуренција ќе има во секој случај, до пред 2 месеци никој не ги сметаше останатите Француски екипи за конкуренција сега каде се тие каде се другите?
Малку треба во ракометот, односно многу треба за да освоиш, не се само парите, многу работи треба да се поклопат, спортска среќа, тимска игра, противник итн, ако беше се до парите еден Мешков кој сигурно фрла и повеќе од Вардар на годишно ниво досега ќе беше некој фактор.