Twin Peaks – епизоди 1 и 2; тема: границите на телевизиски серии
“Who killed Laura Palmer?” – едноставна реченица, која ги прогонувала гледачите на Twin Peaks, кога прв пат се појавила во 1990, и го покренала дејството на една од најкултните серии на сите времиња. Twin Peaks, која целосно ги помести границите на телевизијата со својата иновативна кинематографија и дотогаш невиденото дејство, повторно се враќа, како што е предвидено во серијата, по дваесет и пет години, за најнакрај да се откријат сите мистерии на малото градче Twin Peaks. FBI агентот Дејл Купер пробува да го реши убиството на Лаура и забележува дека не е сè како што изгледа на прв поглед... Затоа одлучивме, во чест на генијалното дело кое ги основало темелите за нашите омилени серии (True Detective, Stranger Things и многу други), да ја проектираме цела прва сезона со дискусии поврзани со серијата.
Поради сите овие причини, преку првата дискусија сакаме да ги разгледаме за границите на телевизиски серии како уметничко дело и до каде може нешто да се направи со нив. Покрај тоа, поради односот што Линч го има со Холивуд, ќе разговараме и за комецријалниот аспект на телевизиските серии, за ограничувањата што оваа филмска форма ја трпи за да биде лесно достапна до големата публика и да се смета за исплатлива, без грижа за она што режисерите сакаат да го прикажат и постигнат.
Проекцијата ќе се одржи во
Социјален центар Дуња (преку улица од Архитектонскиот факултет, спроти Мемоар Кафе) во вторник од 19:30. Влезот и дискусијата се бесплатни.
P.S. Ќе има кафе.
Токму така.
