Господ дава заповед за изработување на кандила
Исход 27: 20 И заповедај им на синовите Израилски да ти носат чисто масло, исцедено од маслинка, за светење, за да гори светилникот секогаш. 21 Во скинијата на собранието пред завесата, која ќе го закрива Ковчегот на заветот, Арон и неговите синови нека го палат, да гори пред Господ од вечер до утрина. Тоа нека е вечен закон за поколенијата на синовите израилски.
Левит 24, 1 И му рече Господ на Мојсеј, велејќи: 2 „Заповедај им на синовите израилски да земат чисто маслиново масло, исцедено за светење, та светлото да гори секогаш 3 пред завесата во скинијата на собранието, а ќе го пали Арон (и синовите негови) постојано пред Господ од вечерта, дури до утрината; и тоа нека ви биде вечна наредба во родовите ваши. 4 На чист светилник распоредете ги светилата кои ќе горат постојано пред Господ;
Целото човештво, пред да дојде Христос на земјата, било заробено од гревот, кој започнал и се пренел со престапот на Адам и Ева во рајската градина.
Римјаните 5: 17 Бидејќи, ако со престапувањето на еден смртта царува преку едниот, тоа многу повеќе оние, што ја примиле благодатта и дарот изобилно, ќе царуваат во животот преку Единиот Исус Христос. 18 И така, како што преку престапувањето на еден човек дојде осудувањето на сите луѓе, така и преку правдата на Единиот дојде оправдувањето за живот на сите луѓе.
Тоа е оној првороден грев кој не можел никој свештеник со своите жртви да го симне.
За човекот да биде искупен од тој грев, требало да дојде Некој апсолутно совршен, Кој ќе се принесе Себеси како жртва сепаленица еднаш за секогаш, без повторно да се принесуваат телци и јунци како жртва на Бога.
Евреите 10:5Поради тоа, влегувајќи во светот, вели: “Жртви и дарови Ти не посака, а телото Ми го приготви. 6 Сепаленици за гревот не Ти се угодни.”
Откако тоа го направи Господ Исус Христос, немало потреба од старото свештеничко служење на принесување крвни жртви, туку принесување на бескрвни жртви, односно, Неговите Тело и Крв Христови - Причеста, давајќи им го тоа право на апостолите, за тие понатаму преку ракоположување да го пренесат на идните генерации.
Лука 22: 19 Потоа зеде леб и заблагодари, го прекрши и им даде, велејќи: „Ова е Моето тело, што се дава за вас; правете го ова за Мој спомен!
1 Коринтјани 11: 24 и, откако заблагодари, го прекрши и рече: „Земете, јадете, ова е телото Мое, кое се крши за вас, правете го ова за спомен Мој!“
Дела 20: 28 Грижете се, пак, за себе и за целото стадо, во кое Духот Свети ве постави за епископи, за да бидете пастири на црквата на Господ и Бог, која ја придоби Тој со Својата крв.
1 Тимотеј 5: 22 Раце на никого не полагај пребрзо,
Дела 14:23 Па откако им ракоположија старешини за секоја црква, се помолија со пост, и ги предадоа на Господа, во Кого беа поверувале.
2 Тимотеј 1: 6 Поради тоа ти напомнувам да ја распалуваш Божјата дарба, која ја имаш во себе преку полагањето на моите раце.
Тит 1: 5 Затоа те оставив во Крит, за да го довршиш несвршеното и во сите градови да поставиш презвитери, како што ти бев порачал
Значи јасно е дека само апостолите биле овластени од Христос тоа да го прават, а доколку не би било така (како што некои мислат дека Христос тоа им го дал на сите луѓе), тогаш не би имало потреба од ракоположување, бидејќи сите луѓе (христијани) би го имале тоа право и не би имало потреба некој да ги овластува посебно.
Господ не го променил законот, туку го исполнил. Тој не забранил да се собираат луѓето во храм, да се кади, да се пали кандила, бидејќи тогаш би бил контрадикторен Сам на Себе:
Матеј 5:17 Немојте да мислите дека сум дошол да го поништам Законот или Пророците; не сум дошол да ги поништам, туку да ги исполнам. 18 Зашто, вистина, ви велам дури постојат небото и земјата нема да се измени, додека не се исполни се.
Римјаните 3: 31 И така, го нарушуваме ли Законот преку верата? Никако, туку уште го утврдуваме.
Исаија 42:21 На Господа му било угодно заради правдата Своја да го возвеличи и прослави законот.
Римјаните 13:10 Љубовта е исполнување на законот
Римјаните 7:12 Така значи, Законот е свет, и заповедта света, справедлива и добра.
Римјаните 8:7 Бидејќи телесното мудрување е непријателство против Бога, на законот Божји тоа не му се покорува, ниту, пак, може
Псалм 19:7 Господовиот Закон е совршен, ја крепи душата”
1 Јованово 5:3 Бидејќи љубовта кон Бога се состои во тоа: да ги пазиме заповедите Негови. А Неговите заповеди не се тешки
Јован 15:10 Јас ги запазив заповедите на Мојот Отец.
Господ не забранил верниот народ да се собира во храм и таму да Му се моли.
Дела 2:46 И секој ден еднодушно престојуваа во храмот...
И точно е тоа дека човекот е храм на Божјиот дух, ама прашањето е кој човек? Се разбира, само осветените, достојните да го примат Христос во себе.
2 Коринтјаните 13:5 Испитувајте се сами себе дали сте во верата! Сами испитувајте се! Или не сте свесни дека Исус Христос е во вас? Освен, само ако сте недостојни.
