Ибра е важен за тој период кога дојде. Во тимот имаше испаничена дечурлана и просеци свесни за своите ограничување.
Тука требаше еден лидер, а и екстра фудбалер, иако речиси поранешен, но тогаш и играше добро.
Последно нешто фудбалско што имаше да каже беше минатата сезона, кога уште имаше фудбал, барем доволно за италијанско првенство.
Таа последната повреда го докрајчи, уште на почетокот на сезоната зборувавме со Стефан дека не личи воопшто на тој Ибра од претходната сезона.
За сезонава може само да се зборува за негов придонес околу менталитет и слично, нешто што не може да се докаже. Дали е случајност поради короната и друго, но навистина со него, па и Кјаер се променија неколку работи. Иако сите го фалат, но можеби и мораат.
Дали вреди толку "најплатениот мотивациски говорник", како што го вика Курајбер, е друг муабет.
Иако имаше неколку изјави, каде што и тој се осврна на неговото его. Една беше дека да бил Ибра од пред десет години ќе го загушел тимот или нешто такво. Друга, дека е свесен за неговата улога.
Често мислам дали и повредата на Кјаер на крај излезе добра за Милан. Томори и Калулу (кој можеби во последните десетина кола е и подобар), завршија доста работа. Иако се промени и стилот на игра, Пиоли е многу попретпазлив во вториот дел од сезоната.