Ич не ти е соодветна аналогијата. Ќе останам на несоодветна за да не употребам потежок збор.
Ова нема врска со sjw, политичка коректност или либерален активизам, ни е прашање на позитивна дискриминација, културна апропријација или еднаква застапеност, затоа не правете такви глупи конекции.
Мајмунските извици на луѓе со африканско потекло не се обична навреда што му ја кажуваш на комишијата што ти дошол преку глава, или некој што ти се убацил во лента додека возиш. Исто како што зборовите негро или нигер не се обичен пејоратив што му ги кажуваш на црнец. Тие зборови и акти имаат тежина и влечат историја со себе. Мајмунските извици имаат длабока симболична врска со навредливите називи кои европските колонизатори ги користеле за домородците во местата кои ги колонизирале, кои најчесто се варијации на зборот “мајмун“ во нивниот јазик, или јазикот на некоја од остатаните европски империи. Плус се поврзани со еден куп на псевдонаука, која е срцето на расната теорија од 18 и 19 век и тврди дека црната раса има различно биолошко потекло од белата и останатите раси, дека се најблизок потомок на приматите, дека се ментално и физички неспособни да се слободни, дека се крос-брид на мајмуни и луѓе, имаат неразвиен нервен систем, слично како мајмуни, и затоа не осеќаат болка и сл.
Овие теории и овие практики беа сржта на цели интелектуални движења во златната доба на колонијализмот и беа прелеани во официјална политика и во официјални конкретни акти на европските империи во нивните колонии во Африка, што предизвикаа документирани историски настани. Тие настани се некои од најголемите злосторства во историјата на европската цивилизација. Ама добро, слично е како да му опцуеш фамилија на некој или да го наречеш балкански сељак, зошто нели навреда е навреда.
Види го колонијалното минато на Конго под управа на Белгија, Намибија под управа на Германската империја, историјата на Хаити, Јамајка, Џим Кроу законите, Апартхејдот во Јужна Африка и еден куп други примери. Има причина зошто некои постапки се забранети и се осудуваат и зошто не можеш да ги сведеш на обичен стереотип, затоа што се поврзани со опасна идеологија која има свое минато. Не знам како, сериозно, можете да го постоветувате со “ќе ти ебам ќерката’ или “гаден балканец“. Ни е соодветно укањето на црн играч, да го поистоветуваш со Блек Пантер или кенкање зошто Вил Смит не бил кандидиран за оскар.
Затоа е изјавата на Бонучи глупа, што не е неочекувано од него. Нема провокоција што оправдува такви извици, зошто таква реакција од публика сигнализира дека публиката е расистичка, не дека само сака да одговори на провокација. Тоа би го користеле само луѓе што не сметаат дека е проблем или што се игнорантни за него.
Пример, ако на некој фудбалер од родители Егејци, му скандираат дека ќе го полијат со напалм, или на дете од Сребреница му скандираат дека ќе го однесат кај родителите, за тебе би била обична, безопасна навреда? Оправдана, ако ги “провоцирал“ во текот на утакмицата?
