Сапармурат Нијазов

[Apokalipto]

Кога веќе на форумот има теми за т.н диктатори си зедов за слобода да отворам тема за овој малку познат диктатор.

Имено Сапармурат Нијазов или Туркменбаши беше претседател на Туркменистан, диктатор и ексцентрик (подолу ќе следува повеќе околу овој особено интересен аспект на неговото владеење)...

Сапармурат Атајевич Нијазов (туркменски: Saparmyrat Ataэewiз Nyэazow) (19 февруари 1940 - 21 декември 2006) бил најмоќниот човек во Туркменистан од 1985 сѐ до 2006. Нијазов бил познат како Сердар Сапармурат Туркемнбаши Велики или само Туркменбаши.
Нијазов бил еден од најавторитарните диктатори во светот кој своите лични ексцентричности ги наложува на државно ниво, иако во земјата многу луѓе го сметаа за голем водач на нацијата.
Од рана возраст Нијазов бил сирак бидејќи татко му загинал борејќи се против Германците во Втората Светска војна, а остатокот од неговото семејство загинало во големиот земјотрес во Ашхабат во 1948. Пред да се пресели во домот на еден далечен роднина, тој бил воспитуван во советски дом за сираци. Во 1962 Нијазов се зачленил во Комунистичката Партија каде бргу напредувал и дошол на чело на Комунистичката Партија на Туркменистан (подоцна Демократска Партија на Туркменистан) во 1985 по симнувањето на претходниот генерален секретар, Мухамед Гапусов од страна на советскиот лидер Михаил Горбачов заради малверзации со памук. Нијазов, како лидер на КПТ го поддржувал пучот против Михаил Горбачов во 1991 и успеал да ја задржи власта во земјата и по распадот на СССР. Тој станал првиот и до сега единствениот „претседател“ на Туркменистан. .
На 22 октомври 1993 Нијазов се самонарекол Туркменбаши, што значи „Водач на сите етнички туркмени“ по примерот на Кемал Ататурк. На 29 декември 1999 Нијазов е прогласен за Доживотен претседател од страна на владата.
Нијазов починал ненадејно од срце на 21 декември, 2006. Наследен од Курбангули Бердимухамедов. Извор.

Одиме на интересните аспекти на неговото владење:


Како доживотен претседател на Туркменистан, Нијазов има издадено повеќе необични декрети:

• забрана за спикерите да се шминкаат, бидејќи Нијазов имал потешкотии да разликува маж од жена.
• забрана за плејбек пеење.
• во декември 1999 - на секој ученик, студент, војник и офицер да му се додели часовник со сликата на претседателот Нијазов под сказалките по повод Нова Година.
• во април 2001, забрана на балетот операта, бидејќи Нијазов смета дека тие „не се дел од Туркменистанската култура“.
• во 2001, забрана за младичите да носат бради и долги коси.
• во јуни 2001, недржавјани на Туркменистан мораат да платат $50,000 доколку сакаат да се оженат со Туркменистански државјани.
• во 2002 Нијазов го преименувал лебот од постоечкото име чорек кој е изворен туркменски збор, во Гурбансолтан еџе по неговата мајка.
• во август 2002 Нијазов ги редефинирал фазите во животот со што адолесценцијата трае до 25, а староста започнува на 85 (објаснето подолу.)
• во 2004 - како дополнение на возачката дозвола секој возач мора да положи тест за моралитет.
• во март 2004 - отпуштање на 15 000 здравствени работници во јавните установи
• во април 2004 Нијазов ги посоветувал младите дека не треба да ставаат злато или забни навлаки во вилицата, туку треба да џвакаат коски за да им бидат здрави забите
• во февруари 2005 Нијазов наредил да се затворат сите болници вон Ашхабат со објаснение дека кој е болен треба да може да дојде во главниот град; Нијазов исто така ги затворил и сите селски библиотеки во Туркменистан од причина што „обичниот Туркменистанец и така не чита книги“.
• во ноември 2005 Нијазов им наредил на лекарите да се колнат во него, а не во Хипократовата заклетва.
• во декември 2005 Нијазов ги забранил видео игрите како многу насилни.
• во јануари 2006 руските медиуми објавиле дека Нијазов им ги укинал пензиите на 1/3 од пензионерите и им ги намалил на другите 2/3, а згора на тоа и побарал од сите нив да ѝ ги вратат на државата сите пензии што ги примиле во последните 10 години. Ова резултирало во смртта на многу пензионери, бидејќи оскудните пензии им биле единствениот приход. Туркменистанските власти велат дека овие обвиненија се невистинити и имаат за цел да ја зацрнат туркменистанската влада.

​

Арката на наутралноста, и врз неа позлатена статуа на Нијазов која ротира 360° секои 24 часа, за секогаш да е свртена кон сонцето

Чергичето на Сапармурат

Претседателот на Туркменистан Сапармурат Нијазов најверојатно слушнал за македонската изрека 'Пушти си ги нозете колку што ти е долго чергичето' па решил веќе никогаш да нема проблеми со истегнуивањето на своите долни екстремитети. Имено, на Нијазов неодамна му е испорачан килим голем околу 300 квадратни метри и тежок околу 1 тон! Килимот е изработен по нарачка на самиот претседател а на него, цели 8 месеци работеле 38 жени. Килимот е прошаран со цитати на Нијазов, баш како што му личи на секој кич диктатор. Луѓето од Гинисовата книга на рекорди изјавија дека килимот на туркменистанскиот претседател наскоро ќе биде вброен во нивната листа. На Нијазов му останува да му се радува на своето килимче, барем додека на жена му не и текне дека е време за негово тресење на шипка пред зграда.​

Туркменистанскиот претседател Сапармурат Нијазов побара од парламентот да ги смени имињата на месеците и деновите. Ваквата идеја Нијазов ја објаснува со потребата Туркменистан да им се врати на своите корени. Сапармурат предлага (читај: наредува) јануари да се прекрсти во туркменбаши во чест на претседалот на државата (читај: Сапармурат Нијазов), април ќе добие име во чест на неговата мајка, јуни ќе биде именуван според лојалниот командант на туркменистанската армија, септември ќе се вика Рукама што е наслов на една книга на Сапармурат и слично. И деновите ќе се викаат поинаку: понеделник ќе биде главен ден, вторник - млад ден, среда - омилен ден, четврток - благословен ден, петок нема да се преименува (ваљда не му текнувало на Сапармурат што да стави за петок), сабота ќе биде дуовден а недела легачки ден.

 

[Apokalipto]

Мојот олтајм миленик меѓу светските државници, легендарниот Сапармурат Нијазов повлече уште еден маестрален потег. Туркменистанскиот претседател штотуку донел забрана да се слуша музика од CD-а, DVD-а и други звучни записи. Забраната за емитирање важи за сите јавни собири како и за единствената државна телевизија во земјата. Сапармурат својата забрана ја образложил (иако тоа ретко го прави) со потребата од "зачувување на вистинските вредности", па така, граѓаните на неговата земја отсега ќе имаат уникатна привилегија да слушаат само музика во живо. Да потсетиме само на дел од претходните државнички дриблинзи на Сапармурат: ги смени имињата на сите месеци во годината давајќи им имиња на луѓе од својата фамилија (а кога ја потроши залихата од месеци, премина на прекрстување на деновите), ја забрани операта и балетот, донесе забрана за носење златни заби, ги затвори сите болници надвор од главниот град и стави клуч на книжарите и библиотеките во помалите градови со образложение дека 'луѓето и онака не читаат'!

Во Туркменистан е изгласан закон со кој се забранува носење брада и долга коса. Претседателот Сапармурат Нијазов изјави дека брадата и косата оставаат погрешен впечаток за недоволна хигиена кај граѓаните на оваа држава. Најновиот закон важи и за странците па е наредено на сите аеродроми и гранични премини да бидат подигнати берберски дуќани кои ќе обезбедат почитување на регулативата. Ова е последна во низата бизарности кои Нијазов ги спроведе откако дојде на власт во 1985 година. Претходно тој воведе забрана на балетот и нов данок за странците кои сакаат да се венчаат со жена од Турменистан.

Извор

 

[Apokalipto]

 

[Apokalipto]

Наместо полагање на Хипократовата заклетва, лекарите во Туркменистан во иднина ќе се колнат на претседателот Сапармурат Нијазов и на неговата книга "Рухнама".

"По стекнувањето на високото звање на лекар и во извршувањето на таа професија свечено се колнам на верност на заповедите на Големиот Сапармурат Туркменбашa (водачот на сите Туркменистанци) и на големите идеали на Рухнама", гласи текстот на заклетвата.

Книгата на Нијазов се проучува во сите училишта во земјата, а за нејзината содржина функционерите редовно се испитуваат секоја година.

Новата заклетва содржи десетина морални правила и ја забранува еутаназијата. Нијазов на почетокот на годинава ги затворил болниците во внатрешноста на земјата, сметајќи дека е многу порентабилно целото населениe да се лекува во престолнината.

Повеќе за Рухнама

 

[курајбер]

ее имам читано за типов hihi hihi hihi да не е озбилен ке беше смешно ама овој си ги практикува законите за демек да зачува традиционални вредности уствари е самобендисан до изнемоглости.
А од друга страна па кој кур...има некои што и јас би применил
пр. забрана за младичите да носат бради и долги коси или па забрана за плејбек пеење-овие се добри ,ама нормално ке ги изоставам другите его трип мерки со килимот и статуите и сатовите и денови наименување по мајка му sd

 

[Apokalipto]

Сега владее Курбангули Бердимухамедов и има променето доста работи, последна актуелна промена е враќањето на имињата на месеците...

Познат ли ви беше Сапармурат досега?

 

[Solid]

Тежок психолошки случај бил овај Нијазов...ова го нема во С.Кореја бе.

Сега владее Курбангули Бердимухамедов и има променето доста работи, ...

Нека си го промени името првин.:pos2:

 

[Redneck Rebel]

Имам читано за типов. Закон е, само е премногу опседнат со себе си :icon_bigg

 

[Tonchie]

Јас за него дознав од една статија во CKM магазинот за мажи на српски јазик.

Кутрите Туркменистанци... ај сеа пораат ќе живеат.

Инаку мислам дека типов има изградено неколку огромни и ептен луксузни хотели за во нив да престојуваат странци и да оставаат пари. Само се сомневам дека имале туристи, освен агенти на тајни служби од целиот свет.

Инаку мислам дека имаше тема за него по неговата смрт но загина со ремонтот на форумот пред година и пол.

 

[Чекич]

јас имам прочитано за овој , какви тито , иди амин ,пол пот човекот е легенда подвлечена со црвено , нека му е лесна земјата ама ваква будала еднаш се ррѓа на светот

 

[^Exotic^]

И јас имав слушнато за него.Знаев дека има донесено многу бизарни закони ама не знаев кои се.Ама овој бил скроз будала.Ај нека му е лесна земјата.

 

[IronTrooper]

. имам чуено за Сапармурата и знам дека ги променил имињата на месеците, ама другово...

 

[Apokalipto]

Статуата на Сапармурат се сели !

На барање на сегашниот претседател Курбангули Бердимухамедов, кулата наречена Купола на Неутралноста, на која е поставена 12 метри високата статуа со ликот на Туркмeнбаши, ќе биде преместена во јужното предградие на градот Ашхабат.

Дописниците на Ројтерс јавуваат дека сè уште нема знаци дека започнала преселбата на споменикот. Телевизиите во Туркменистан ја потврдија веста, но не даваат информации за тоа кога ќе започне работата ниту дали по преместувањето, статуата ќе остане на врвот од кулата.

Со испружени раце, споменикот на Нијазов ротира на секои 24 часа, следејќи ја патеката на Сонцето. Своето име оваа градба го добила како симбол на стремежот на покојниот диктатор да му обезбеди неутрален статус на Туркмeнистан.

Извор.

 

[IronTrooper]

брејќинг њуз

За прв пат во историјата на Туркменистан, владата урна затвор. И додека политичарите велат дека тоа е резултат на намалената криминална стапка во земјата, активистите за заштита на човекови права, на оваа постапка гледаат како на пропаганда.

Булдожери со портрети од претседателот Курбангули Бердимухамедов на шофершајбните, го урнале затворот во западниот дел на Туркменбаши, познат по тоа што во него, под строги безбедносни мерки, отслужуваа казна политички опоненти. Имаше капацитет за 690 затвореници.

Уривањето било проследено со свечена церемонија предводена од министерот за внатрешни работи, на која присуствувал целиот државен врв и група меѓународни дипломати.

”Секогаш кога владата прави нешто позитивно, таа тоа не го претставува како решение за проблем, туку како пропаганда за да покаже колку добро работи”, велат од Хелсиншката фондација за човекови права на Туркменистан, со седиште во Варна, Бугарија.

Во последните неколку месеци, властите на Туркменистан упорно се обидуваат да ја покажат својата посветеност на демократијата, но и понатаму продолжуваат да им го блокираат пристапот до затворите на организациите, како што е Меѓународниот комитет на Црвениот Крст. Постојат сомнежи дека неправедно осудените затвореници постојано трпат измачувања.

он.нет

 

[Apokalipto]

Нова химна во Туркменистан

Култот околу починатиот лидер на Туркменистан полека, но сигурно почнува да бледнее а најнов доказ за тоа е бришењето на неговото, премногу често спомнувано име од државната химна.

На сегашната влада и пречи тоа што химната дури четири пати му се обраќа на Туркменбаши (Татко на сите Туркмени), но и тоа што во една од строфите нејзината земја е наречена “дело на големиот Туркменбаши”.

Претставник на владата вели дека промените се неопходен чекор кој ќе доведе до исполнување на меѓународните стандарди за химни. Претседателката на парламентот, Акџа Нурбадјева открива дека освен тоа, причина за таквата постапка се и поплаките на голем број граѓани.

Новите стихови ќе и бидат претставени на јавноста на 21 декември, односно на втората годишнина од смртта на големиот Сапармурат Нијазов.

Со доаѓањето на власт, наследникот на Нијазов, Курбангули Бердимухамедов спроведе бројни реформи кои драстично го променија животот на Туркмените, тргнувајќи од олабавување на правилата за употреба на интернет, па сe до отворањето на земјата за странски инвестиции.

извор

​