Па читатели мои, се приближува денот кој секој љубител на оваа страна нетрпеливо го чека.
Да, да тоа е Саемот на книга, 2010. Овој настан за нас значи дека можеме да го купиме сè она кое го пропуштивме на изминатите новогодишни попусти.
Колку е прекрасно тоа, а? Нешто како втора шанса, поправање на грешката...
Меѓународниот саем на книга и либрографика, претставува водечки настан за љубителите на убавиот збор и една од најпосетените саемски манифестации кај нас.
Во деновите на Саемот, посетителите, освен најновите изданија на домашните и странските издавачки куќи, ги очекуваат бројни промоции, тематски средби и пригодни изложби...
Издавачките куќи годинава љубителите на пишаниот збор ќе ги привлекуваат со наслови од странски автори и со попусти до 80 проценти.
На годинешниот Саем на книгата, кој ќе се одржува од 13 до 18 април, издавачите најавуваат големи попусти, понуда на дела главно од странски автори, а гости од надвор ќе имаат само издавачките куќи „Феникс“ и „Три“.
Па, ова се деталите:
1. Во понудата на Матица ќе доминираат дела од македонски писатели како: „Токму така“ од Гане Тодоровски, „Свеченост“ од Цане Андреевски и „Слоеви“ од Јован Стрезовски.
2. Икона ќе понуди многу нови наслови на светски познати автори како на пример: „50. закон“ од Роберт Грин и Фифти Цент, „Чоколадо“ од Џоана Харис, „Мак Мафиа“ од Миша Глени, „Левијатан“ од Пол Остер и „Вторниците со Мори“ во Мич Елбом.
3. Култура ќе понуди 11 нови изданија од странски автори и четири од македонски. Дел од понудата се „Приказни за Скопје“ од Томислав Османли, „Монотонија“ од Бобан Богатинов, „Избраниот“ од Александар Блажевски, „Заробени сништа“ од Марина Немаат, „Писмата за Џенифер“ од Џејмс Патерсон и други.
4. Издавачката куќа „Три“ меѓу другото ќе го презентира првиот дел од трилогијата „Милениум“ големиот светски хит „Девојката со тетоважа на змеј“ од Стиг Ларсон, третиот и четвртиот дел од „Самрак“ од Стефани Маер.
5. Или - или на понуда ги има следните дела: „Викенд“ од Берхард Шлинк, „Стравот на голманот од пенал“ од Питер Хандке, „Ќе ви плукам на гробовите“ од Борис Вијан, „Гол живот“ од Луиџи Пирандело и други.
6. Феникс ќе промовираат над 100 нови изданија, меѓу кои е „Животни во срцето“ од Херта Милер и „Смелоста на надежта“ од Барак Обама, а ќе презентираат и шест нови книги за деца.
Па ајде читатели мои драги, почнете веднаш, кој што ќе купи, кој што препорачува, што не смееме да пропуштиме на овој саем, кој од Вас ќе биде таму... Сакам да ги знам сите детали...
Од речници, до белетристика, класици, учебници. Колку-толку добар беше попустот.
