- Член од
- 14 март 2010
- Мислења
- 17.095
- Поени од реакции
- 16.734
Дојде на ред и 112. издание на Ролан Гарос, вториот гренд слем во годината, единствениот слем кој се игра на земјена подлога, на најспората можна подлога на турот.
Со овој турнир се одбележува средината на тениската сезона.
Турнирот датира од 1891 година, познат под името Шампионат на Франција. А потоа се преименува по легендарниот француски пилот од Првата светска војна, и сеуште опстојува со тоа име.
Најуспешен тенисер во историјата на Ролан Гарос е Макс Декужи, и тоа со 8 титули, освоени на почетокот на турнирот, кога настапувале тенисери само од Франција, зад него на листата на тенисери со најмногу освоени титули се наоѓа Рафаел Надал, со 7 титули, воедно тој е и актуелен шампион на турнирот, минатата година во финалето беше подобар од Новак Ѓоковиќ со 3-1 во сетови.
Во женска конкуренција најмногу титули има американката Крис Еверт, 7 титули од периодот 1974 па до 1986 година, зад неа се наоѓа Штефи Грав, таа е и најмлада тенисерка која го има освоено овој гренд слем, со само 16 години и шест месеци.
Титулата од ланската сезона ја брани Марија Шарапова, која во финалето убедливо ја совладата италијанката Сара Ерани, со 2-0 во сетови.
Натпреварите на овој гренд слем се одржуваат на терените познати под истото име како и самиот турнир.
Како централен терен, а воедно и најголем се води теренот со име Филип Шатрие, со капацитет од 14.840 седишта. Втор терен по големина е Сузан Ленглан, капацитет на тој терен е 10.068 седишта, и теренот „број 1“ со капацитет околу 3000 седишта.
Нема дилеми дека на турнирот главен фаворит за освојување на титулата е Рафаел Надал, човекот кој не е допирлив на оваа подлога, ако се додаде на ова и тоа што од 8 турнири сезонава стигна до 8 финалиња, нема никакви дилеми дека шансите за триумф му се зголемуваат, освен поразот во Монте Карло од Ѓоковиќ, кај него не се осети долгата пауза која ја имаше ланската, а и почетокот на оваа сезона.
После него има мала разлика, па следува Ѓоковиќ, човекот кој изгледа само тој може да го совлада Надал на земја, во два сета оваа сезона веќе го стори тоа, ќе видиме колку ќе можи и дали е способен тоа да го направи во три сета, и со тоа да го освои слемот кој му недостасува во неговата кариера.
Позади овие двајца следува Федерер, без разлика на годините кои ги има, човекот докажа на турнирот во Рим дека сеуште може да се носи и да бележи одлични резултати.
Вториот тенисер во Свет, Британецот Енди Мареј сеуште се нема официјално повлечено од овој турнир, по здобивањето на повреда на Мастерсот во Рим, неизвесно е дали ќе се појави на овој слем, и ако се појави тешко веројатно е дека ќе се вмеша во борбата за титула, Мареј без разлика што е на втората позиција, сепак тешко се снаоѓа на оваа подлога, и не му одговара на неговата игра. Па така него не го вбројувам во тенисерите кои може да дојдат до титула.
На тие тројца кои ги набројав погоре, може да им се додаде и еден од Томаш Бердих, Давид Ферер, Цонга или Дел Потро, и толку, кругот на тенисери кои може да го освојат Ролан Гарос се затвара. Големата тројка премногу е напред од останатите тенисери, па се друго ќе е изненадување и тоа големо.
Во женска конкуренција се се сведува на Серена Вилијамс и Марија Шарапова, поточно на тоа во каква форма ќе дојде Серена на турнирот, ако по утрото денот се познава, шансите за триумф на Серена се огромни, до сега во сезоната игра перфектно, бележи одлични резултати, и не верувам дека друга тенисерка може да ја загрози, но не би бил гренд слем, а да нема по некое изненадување.
Оваа година наградниот фонд на турнирот е за 3 милиони поголем од ланската сезона, и изнесува 22 милиони евра. Победниците и во двете конкуренции ќе добијат по 1.5 милион евра, а поразените во финалето 750.000.
Во главниот ждреб на турнирот неизвесно е дали Енди Мареј ќе настапува на турнирот, ако настапува, првите 10 носители би изгледале овака.. Новак Ѓоковиќ, Енди Мареј, Роџер Федерер, Рафаел Надал, Давид Ферер, Томаш Бердих, Дел Потро, Цонга, Гаске и Јанко Типсаревиќ.
Во случај Енди Мареј да не настапи на турнирот, на трета позиција ќе се најде Рафаел Надал. Но и на оваа позиција која е моментално, не може да се сретни пред полуфинале со еден од Ѓоковиќ, Мареј, Федерер, што до пред некое време се шпекулираше дека уште во 1/4 финалето е можен дуел на Ѓоковиќ и Надал, двајцата главни фаворити за освојување на слемот. А сега со освојувањето на Мастерсот во Рим се решија сите дилеми.
Од денеска започнаа и квалификациите за главниот дел од турнирот, прв носител во квалификациите е Алексеј Богомолов, како втор канаѓанецот Васек Поспишил.
Еве ги и главните носителки на женскиот дел на турнирот. Серена Вилијамс, Марија Шарапова, Викторија Азаренка, Агњешка Радванска, Сара Ерани, Ли На, Петра Квитова, Анжелик Кербер, Саманта Стосур, Каролин Возниацки.
Официјален сајт на слемот - www.rolandgarros.com
Главен ждреб на турнирот - http://www.rolandgarros.com/en_FR/scores/draws/ms/index.html / http://www.rolandgarros.com/en_FR/scores/draws/ws/index.html
Оваа година во Македонија пренос ќе врши Алфа телевизија, почнувајќи веќе од недела, со нај интересните мечеви во денот, па се до финалето, после две недели.
Исто така и на Еуроспорт 1 и 2, веќе традиционално години наназад се вршат преноси, па во целост ќе може да го проследиме слемот.
Нека има добар турнир, и добра дискусија.
