ФНОА бара нови граници за Албанците на Балканот
Во писмо упатено до Институтот за мир во САД, Организацијата наведува дека Албанците не уживаат доволно права во Црна Гора, Македонија и јужна Србија.
Оваа органзиација оценува дека Албанија е единствената држава во светот чии граници се вештачки одредени, истакнувајќи дека на тој начин соседните држави ги спречиле Албанците да напредуваат и да живеат достоинствено во 21. век, пишува подгоричкиот весник
Вијести.
„Тие вештачки граници ќе се менуваат бидејќи поделениот и колонизиран албански народ нема да прифати да живее во ропство под словенските народи. По војните за ослободување на Косово, источно Косово (Прешево и Бујановац) и Илирида (западна Македонија), албанскиот народ политички работи на ослободување од колонизаторските режими“, се наведува во писмото потпишано од гласноговорникот на организацијата
Гафур Адили, кичевчанец водач на АNA.
Во историската анализа на односот на големите сили кон Балканот што ја прави во ова соопштение FBKSH,се наведува дека ткн. албанско прашање на Балканот ќе станува се’ поактуелно.
„Недостигот на слобода создава услови Албанците на Балканот да поведат антиколонијални војни, бидејќи за нив е најважно нционалното прашање“, предупредува во текстот Гафур Адили.
FBKSH е позната као политичко крило на Албанската национална армија (АNА). Радикалната организација во јавноста се огласува само со интернет соопштенија, кои ги објавуваат албанските интернет портали. Таа отворено се залага за воспсотавување етничка албанска држава во чиј состав би влегле сите територии на живее албанско мнозинство и кои според нив биле одземени од Албанците.
Особено беше активна во периодот на конфликот во Македонија од 2000-та. Повремено се јавуваше во прилог на албанските притисоци во Македонија како што беше референдумот за неприфаќање на новата територијална поделба или кога требаше да се одбележува границата меѓу Македонија и Косово.
Најчесто коминикеата на FBKSH се потпишуваат од секретарот
Валдет Вардари (алијас Гафур Адили), политичкиот секретар
Албан Вљоса и началникот на штабот на AKSH - генералите
Рамадан Вериколи и
Виган Градица.
Гафур Адили кој наводно дваесет години живее во Луцерн Швајцарија и Таип Мустафаи од Гостивар, командант на организацијата, во јули 2003 беа уапсени на периферијата на Тирана. Претходно истата година беше вратен при обидот легално да влезе преку тиранскиот аеродром Ринаси.
Прoтив Адили во Македонија во 2001 г. беше поднесена кривична пријава за здружување заради непријателска дејност и поттикнување меѓуетнички судири, а е осомничен за подметнување експлозиви и експлозивни направи во Македонија и за тероризам.
http://www.forum.com.mk/#_tools/article/3649/view
.
"... божем крем банани се делат при војни...