Kozel dark
Прв пат го пробувам. Kozel како бренд го има подолго време овде, меѓутоа лименките не ги ценам како амбалажа пред се' затоа што е повеќе газирано пивото што за мои сфаќања го разретчува вкусот некако. За пакување пиво во пластика би вовел кривична одговорност.
Енивеј, тоа што е импорт е клучно. Не балканска варијација на истото, како што е случајот со неколку брендови кои си го расипаа реномето на тој начин (Tuborg, Carlsberg, Staropramen).
Немам некоја особена љубов кон темните пива за да праам којзнае какви споредби, па ќе кажам дека е вкусно, балансирано и не содржи премногу алкохол, 3,8% што е ок. Не ми праи кеиф цената, 80 денари за 0,5l неповратно стакло. Мислам дека импортерот може да поработи на тоа за да постигне попривлечна цена. Го препорачувам да си го пробате, кој не го напраил тоа.
Следи период во кој темните пива се интересни. Ми падна во очи во неколку маркети деновиве дека Скопско веќе го извади темното на рафтови, а Златен даб абер нема.
